Atvinna

Leikskólastjóri

  • Skráð: 20.8.2016
  • Starfsgrein: Leikskólastjóri
  • Atvinnurekandi: Sveitarfélagið Hornafjörður
  • Staður: Höfn
  • Símanúmer: 588 3031
  • Netfang: stra@stra.is
  • Umsjón: Guðný Harðardóttir - Ráðningastofan STRÁ
  • Starfslýsing:

     Leikskólastjóri óskast í nýjan sameinaðan leikskóla á Höfn í Hornafirði

    Sveitarfélagið Hornafjörður auglýsir laust til umsóknar starf leikskólastjóra við sameinaðan leikskóla á Höfn en ákveðið hefur verið að sameina leikskólana Krakkakot og Lönguhóla undir eitt þak. Ráðið verður í stöðuna frá ársbyrjun 2017 eða eftir nánara samkomulagi.   

    Sveitarfélaginu er annt um að vel takist til í nýjum leikskóla og verður leikskólastjóra  veittur öflugur stuðningur við sameininguna og uppbyggingu faglegs starfs í leikskólanum.  

    Í menntastefnu sveitarfélagsins sem verið er að leggja lokahönd á er lögð áhersla á fjölbreytta kennsluhætti, að nýta margbreytilegt umhverfi og stórbrotna náttúru sem hluta af námsaðstæðum, starfa samkvæmt Uppbyggingarstefnunni - Uppeldi til ábyrgðar, jafnframt er lögð áhersla heilsueflandi skólastarf.

    Starfssvið:

    Leikskólastjóri ber faglega- og rekstrarlega ábyrgð á starfi leikskóla , stjórnar honum og hefur forgöngu um mótun faglegrar stefnu innan ramma laga, reglugerða, aðalnámskrár, stefnu sveitarfélagsins og í samstarfi við skólasamfélagið.  Helstu verkefni leikskólastjóra eru að:

    ·         Vera faglegur leiðtogi og móta framtíðarstefnu leikskólans.

    ·         Vinna að sameiningu tveggja leikskóla og flutningi í nýtt hús.  

    ·         Stýra og bera ábyrgð á daglegu starfi og rekstri leikskólans.

    ·         Bera ábyrgð á starfsmannamálum svo sem ráðningum, vinnutilhögun og starfsþróun.

    ·         Skipuleggja foreldrasamstarf í samvinnu við foreldra og starfsfólk.

     

    Menntunar- og hæfniskröfur

    ·         Leikskólakennaramenntun og leyfi til að nota starfsheitið leikskólakennari.

    ·         Viðbótarmenntun í stjórnun eða kennslureynsla á leikskólastigi.

    ·         Leiðtogahæfileikar og hæfni í stjórnun.

    ·         Faglegur metnaður og frumkvæði í starfi.

    ·         Áhugi á að leiða þróunarstarf í leikskóla.

    ·         Samstarfshæfni og lipurð í mannlegum samskiptum.

    ·         Þekking eða reynsla af rekstri æskileg.

    ·         Góð almenn tölvukunnátta.

    ·         Góð íslenskukunnátta.

     

    Guðný Harðardóttir hjá Strá ehf. veitir nánari upplýsingar um starfið í síma 588-3031 alla virka daga frá kl. 13-15. Vinsamlegast sendið umsóknir ásamt neðangeindum gögnum stra@stra.is

    Umsókn fylgi yfirlit yfir nám og fyrri störf, leyfisbréf til að nota starfsheitið leikskólakennari. Æskilegt er að umsókn fylgi einnig greinargerð um framtíðarsýn umsækjanda á starf í leikskólanum. Umsóknarfrestur er til 18. september 2016. Laun eru samkvæmt kjarasamningi Sambands íslenskra sveitarfélaga og Kennarasambands Íslands vegna Félags stjórnenda leikskóla



 

Tungumál



Útlit síðu:

Himnaríki á jörð (@Skaftafell) Grásleppuveiðar Í nýju sundlauginni