Atvinna

Forstöðumaður Menningarmiðstöðvar

  • Skráð: 23.8.2016
  • Starfsgrein: Forstöðumaður Menningarmiðstöðvar
  • Atvinnurekandi: Sveitarfélagið Hornafjörður
  • Staður: Höfn
  • Símanúmer: 588 3031
  • Netfang: stra@stra.is
  • Umsjón: Guðný Harðardóttir - Ráðningaskrifstofan STRÁ ehf
  • Starfslýsing:

    Starfsvið: Yfirumsjón með daglegum rekstri og starfsmannamálum Menningarmiðstöðvarinnar, yfirumsjón með héraðsskjalasafni og byggða- og náttúrugripasafni, sem og bókasafni sveitarfélagsins. Forstöðumaður ber auk þess ábyrgð á þróun safnamála,  vinnur að stefnumótun og  menningarmálum auk annarra  fjölbreytilegra og krefjandi verkefna.


    Hæfniskröfur eru að umsækjendur séu með háskólamenntun (BS/MS) sem hentar í starfið.  

    Haldgóð þekking á safna- og menningarmálum er nauðsynleg auk starfsreynslu af sambærilegu.  Áhersla er lögð á sjálfstæð vinnubrögð, sveigjanleika í samstarfi, hæfni í mannlegum samskiptum, tölvulæsi og góða íslensku- og enskukunnáttu í ræðu og riti. Reynsla af stjórnun er nauðsynleg og kostur er ef viðkomandi hafa góða  þekkingu á svæðinu.

    Í boði er áhugavert framtíðarstarf í barnvænu umhverfi þar sem öll nútíma þægindi eru til staðar, næg atvinnutækifæri, gott tómstundar- og félagslíf í friðsælu og framsæknu bæjarfélagi.  Laun verða í samræmi við kjarasamning launanefndar sveitarfélags og viðeigandi stéttarfélaga.

    Umsóknarfrestur er til og með  18. september nk.  Gengið verður frá ráðningu fljótlega.

    Guðný Harðardóttir hjá STRÁ ehf. veitir nánari upplýsingar um störfin í s: 588-3031 alla virka daga frá kl.13-15. Vinsamlegast sendið umsóknir ásamt meðfylgjandi gögnum til stra@stra.is sjá nánar á www.stra.is 


    Athygli er vakin á því að umsóknir geta gilt í 6 mánuði frá því að umsóknarfrestur rennur út með vísan til 3. tölul. 2. mgr. 2. gr. reglna um auglýsingar á lausum störfum nr. 464/1996, með síðari breytingum, sem settar eru með stoð í 2. mgr. 7. gr. laga nr. 70/1996 um réttindi og skyldur starfsmanna ríkisins. Öllum umsóknum verður svarað þegar ákvörðun um ráðningar hefur verið tekin.

    Á heimasíðu  www.hornafjodur.is/atvinna /atvinna má sjá nánari upplýsingar um fleiri áhugaverð störf.


 

Tungumál



Útlit síðu:

Himnaríki á jörð (@Skaftafell) Grásleppuveiðar Í nýju sundlauginni