Þegar verslunin Lónið opnaði s.l. mánudag hafði verslunin stækkað til muna frá því að síðustu viðskiptavinirnir gengu út á laugardaginn því um helgina var verslunin stækkuð um 25 fermetra og er aðstaðan öll hin glæsilegasta bæði björt og rúmgóð. Það eru hjónin Guðný Helgadóttir og Hákon Gunnarsson sem eiga og reka verslunina. Guðný sagði að rekstur verslunarinnar hefði gengið mjög vel í gegnum árin en uppistaðan í rekstrinum er alhliða fataverslun, en einnig seljum við ljós, rafmagnstæki, úr og ýmsa smávöru. Lesa meira

Vetrarvertíð er nú í fullum gangi, en ekki hefur verið neinn óhemju kraftur í veiðum netabáta undanfarið. “Menn hafa getað hvílst þokkalega á milli túra” sagði einn glaðbeittur sjóari af yngri kynslóðinni í gær. Á þriðjudaginn voru vertíðarbátar að landa flestir um og yfir tíu tonnum hver. Áhöfnin á Hafdísi fékk þó skemmtilegan glaðning í netin í gær, en þar var á ferðinni lúða sem vóg 129 kíló. Þetta var mikill happadráttur sem sýnir og sannar að það er líf í strákunum á Hafdísinni. Nú verður spennandi að fylgjast með hvort unglingarnir á Hafdísinni haldi sínu striki og innbyrði fleiri lúður á vertíðinni. Lesa meira

Í kjölfar sameiginlegra þemadaga Nesja- og Hafnarskóla í síðustu viku hefur hluti af sýningunni sem var í Mánagarði verið færður í Nýheima. Sýningin verður uppstilt í Nýheimum fram á föstudag og er því kjörið tækifæri fyrir þá sem ekki komu í Mánagarð að kíkja við og sjá vinnu nemenda. Í vikulok er stefnt að því að dreifa bæklingum á öll heimili í sýslunni þar sem kemur fram hvar hægt er að losa sig við ýmislegt til eyðingar eða endurnýtingar. Lesa meira

Nokkrir félagar úr Ferðafélagi Austur-Skaftafellssýslu fóru um tvær síðustu helgar á jeppum inn í Kollumúla. Ekið var upp eftir Jökulsárgljúfrum en leiðin þarna inn eftir gljúfrinu er aðeins fær við sérstök veðurskilyrði sem helst skapast á vorin og haustin. Slík skilyrði sköpuðust núna um daginn og er Ferðafélagið ásamt nokkrum jeppamönnum búið að fara þarna tvær ferðir inneftir með gas og aðrar rekstrarvörur. Lesa meira

Um s.l. helgi fór fram kjör á fegurðardrottningu Austurlands. Ein Hornfirsk blómarós tók þátt í keppninni að þessu sinni, Lilja Rós Aðalsteinsdóttir. Ekki hreppti okkar stúlka titilinn Ungfrú Austurland þó svo að hún hefði verið vel að þeim titli komin sem og allar hinar stelpurnar. En Lilja Rós vann aftur á móti titilinn “Netstúlka Símans” en þar var hún valin í kosningu, sem eins og nafnið gefur til kynna fór fram á netinu. Verðlaunin fyrir nafnbótina “Netstúlka Símans” voru glæsilegur gsm sími frá Símanum. Til hamingju með árangurinn Lilja Rós. Lesa meira

Í dag opnar ný og glæsileg Olísstöð á Hornafirði. Nýja stöðin er stór og rúmgóð og uppfyllir allar kröfur nútímans. Í nýju stöðinni verður mjög aukið við vöruúrval frá því sem áður var og bætast inn margir nýir vöruflokkar. Haukur Sveinbjörnsson rekstrarstjóri hjá Olís á Hornafirði sagði að þetta væri mikill munur frá gamla kofanum sem þjónað hefur Hornfirðingum lengi, enn hann heyrir nú brátt sögunni til og mun hverfa í þessari viku. Haukur sagði að lokafrágangur á öllu utanhúss þ.e.a.s. plani, dælubúnaði og þvottaplani yrði látið bíða til næsta vetrar en þá yrði stöðin og umhverfið endanlega klárað. Lesa meira

Í sumar eru merk tímamót í sögu samgöngumála Austur-Skaftfellinga og allra þeirra sem um landið ferðast, en þá eru 30 ár frá því að lokið var byggingu Skeiðarárbrúar og hún tekin í notkun. Brúin sem er 820 metrar að lengd er lengsta brú landsins og með opnun hennar var hringvegurinn öllum opinn. Lesa meira

Talningu í atkvæðagreiðslu um samning Starfsgreinasambands Íslands við Samtök atvinnulífsins er lokið. Niðurstaða allra félaga inna Starfsgreinasambands Íslands var birt samtímis kl. 17:00 í dag. Niðurstaða félagsmanna Vökuls er eftirfarandi: Á kjörskrá voru 367 manns. Atkvæði greiddur 167 eða 45,5 %. Já sögðu 79 eða 47,31 %. Nei sögðu 86 eða 51,50 %. Auðir seðlar 2 eða 1,20 %. Lesa meira

Verðlaun fyrir tillögu að merki fyrir Kvískerjasjóð var afhent við hátíðlega athöfn í Freysnesi í Öræfum í gær og hlaut þau Karl Guðni Kristjánsson á Höfn. Sigurlaug Gissurardóttir formaður sjóðsins afhenti Karli Guðna áritað eintak af Kvískerjabók í viðurkenningarskini. Nemendur 10. bekkjar í Heppuskóla á Höfn í Hornafirði fengu það verkefni að gera tillögur að merki fyrir Kvískerjasjóð. Undir handleiðslu kennara síns, Árna Péturs Hilmarssonar, hönnuðu þau nokkrar tillögur. 4 nemendur voru síðan valdir til að vinna áfram með sínar tillögur. Lesa meira

Í morgun komu Lionsmenn á Hornafirði færandi hendi í Heppuskóla. Í farteskinu höfðu þeir átta hljómtækjasamstæður sem þeir færðu skólanum að gjöf. Formaður Lionsklúbbs Hornafjarðar Reynir Ólason afhenti skólanum gjöfina og sagði það von Lionsmanna að gjöfin kæmi að góðum notum. Guðmundur Ingi Sigbjörnsson skólastjóri Heppuskóla þakkaði fyrir höfðinglega gjöf og sagði m.a. að þau hljómflutningstæki sem hefðu verið til staðar í skólanum væru orðin gömul og lúin og uppfylltu ekki kröfur nútímans. Hljómflutningstækin verða sett upp í kennslustofum skólans. Lesa meira

Aðrir Vetrarleikar Hestamannafélagsins Hornfirðings fóru fram s.l. laugardag í blíðskaparveðri við Stekkhól. Þátttaka í mótinu var mjög góð í öllum flokkum og hross almennt í góðri þjálfun. Að leikunum loknum komu keppendur og áhorfendur svo saman í félagsheimili hestamanna á Stekkhól og tóku við verðlaunum um leið og þeir yljuðu sér á kaffi og vöfflum sem þær Sigríður kona formannsins og Þorbjörg í Ártúni sáu um að handera. Lesa meira

Í gær var í fyrsta sinn úthlutað rannsóknastyrkjum úr Kvískerjasjóði og fór styrkveitingin fram í Freysnesi í Öræfum. Kvískerjasjóður var stofnaður á síðasta ári af umhverfisráðuneytinu, til heiðurs systkinunum á Kvískerjum í Öræfum fyrir framlag þeirra til rannsókna og öflunar þekkingar á náttúru og sögu Austur Skaftafellssýslu. Hlutverk sjóðsins er að stuðla að og styrkja rannsóknir á náttúrufari og menningarminjum í Austur Skaftafellssýslu með veitingu rannsóknastyrkja til einstaklinga og stofnana. Lesa meira

Hópur áhugamanna á Hornafirði hefur sótt um aðstöðu fyrir torfæru-bifhjólahóp (motorcross) til Bæjarráðs Hornafjarðar. Við erum að leita eftir hentugu svæði þar sem við getum komið upp æfingabraut og aðstöðu fyrir þetta sport, stað þar sem ekki er hætta á að við verðum fyrir mönnum eða dýrum segir Guðni Þór Valþórsson sem er einn þeirra sem stendur fyrir stofnun bifhjólafélags á Hornafirði. Lesa meira

Framkvæmdir við nýtt stálþil við Krosseyjarbryggju í Hornafjarðarhöfn mun væntanlega hefjast í júní n.k. og þarf verkinu að vera lokið áður en síldarvertíð byrjar í september. Stálþil verður rekið niður utan við það sem fyrir er og með tilkomu þess verður viðlegudýpi átta metrar í stað sex metra eins og nú er. Leitað var tilboða frá efnissölum stálþils og stálþilsfestinga og bárust fjögur tilboð. Bæjarráð ákvað að ganga til samninga samkvæmt tilboði við G.Arason ehf/Arcelor sem er uppá kr. 18.587.702. Verkið verður boðið út í næsta mánuði. Lesa meira

Það var mikið um að vera í Mánagarði í gær þegar Nesja- og Hafnarskóli héldu sameiginlega árshátíð í lok þemaviku. Á árshátíðinni mátti sjá afrakstur vinnu nemenda, en þema vikunnar voru umhverfismál og yfirskriftin var “Sóðar og slóðar erum við ekki” Út um allan Mánagarð mátti sjá vinnu nemenda og kenndi þar margra grasa. Skemmtidagskrá nemenda var einkar glæsileg þar sem hvert tónlistaratriðið rak annað ásamt öðrum skemmtiatriðum. Flutningur krakkanna og framkoma var til mikillar fyrirmyndar og greinilegt að tónlistarlíf Hornfirðinga á glæsilega framtíð fyrir sér. Að lokum var svo slegið upp balli og var ekki annað að sjá en að allir skemmtu sér konunglega. Lesa meira

Fermingarbörn í Sveitarfélaginu Hornafirði á þessu vori eru fjörutíu. Fyrsta fermingin verður 4. apríl, Pálmasunnudag, í Hafnarkirkju og sú síðast verður 31.maí, annan dag Hvítasunnu. Fermingardagarnir verða 13 í sex kirkjum í sýslunni. Margar fjölskyldur fá veitingahúsin á staðnum til að sjá um matinn í fermingarveisluna og losna þannig við mikið umstang. Hjá þeim á Hótel Höfn fengust þær upplýsingar að búið væri að panta níu matarveislur, sumar yrðu á hótelinu aðrar úti í bæ. Algengustu pantanir hjá hótelinu eru fyrir 60 til 80 manns en fer upp í 150. Lesa meira

Hornfirðingar þurfa ekki að láta sér leiðast þessa helgina því nóg er um að vera í menningarlífinu. Á föstudagskvöld mun Harmoníkufélag Hornafjarðar standa fyrir harmoníkuhátíð á Víkinni. Gestur kvöldsins verður Grétar Geirsson harmoníkuleikari. Að lokinni skemmtuninni verður síðan stigin dans fram eftir nóttu. Á laugardaginn mun Þorsteinn Guðmundsson verða með uppistandssýningu á Hótel Höfn. Sýninguna kallar hann FÚTT og er hún sambland af hefðbundnu uppistandi og leikþáttum á myndbandi. Á laugardaginn verða Blues tónleikar í Nýheimum þar sem Glenn Kaiser, blues gítarleikari frá Bandaríkjunum mun skemmta gestum, en Glenn er vel þekktur í sínu heimalandi. Lesa meira

Foreldrum, systkinum og öllum Hornfirðingum er boðið á Árshátíð Hafnar- og Nesjaskóla. Árshátíðin verður haldin í dag fimmtudaginn 25. mars kl 17:00-19:00 í Mánagarði. Þar kemur fram afrakstur þemavinnu liðinnar viku þar sem umhverfismál hafa verið á oddinum, seldir verða umhverfisvænir pokar, sýnd verða hús sem 1. og 6. bekkur hafa verið að vinna við, slide show sem 7. bekkur hefur verið að vinna við, og margt fleira. Einnig verða skemmtiatriði sem nemendur skólanna munu sýna. Þar verður selt kaffi, gos, safi og eitthvað gott í gogginn og mun ágóðinn renna til Hafnar- og Nesjaskóla til að kaupa spil og bolta handa nemendum skólanna. Lesa meira

Nýr formaður ferðamálafélags Austur Skaftafellssýslu er Guðrún Ingimundardóttir fædd og uppalin í uppsveitum Árnessýslu, kom árið 1975 til Hornafjarðar og ætlaði að vera eitt sumar en hún fór ekki til baka. Guðrún býr á Höfn ásamt eiginmanninum Þóri Snorrasyni og syninum Snorra Frey en þrjú uppkomin börn hennar eru í Reykjavík. Guðrún er kunnug flestu sem við kemur ferðaþjónustu á heimasvæðinu bæði sem blaðamaður og með vinnu sinni við ferðaþjónustu. Guðrún segir að þetta leggist vel í sig og hún er tilbúin að leggja sig alla fram í þessu nýja starfi. Ferðamál og öll þjónusta þeim tengd skipta okkur öll á þessu svæði miklu máli og því er tilvalið að taka nýkjörinn formann tali og spyrja um starfið, tildrög þess og hvað er framundan núna þegar ferðaþjónustuárið er að byrja. Lesa meira

Byrjað er að mæla og setja niður stikur á svæðinu þar sem göngin í Almannaskarð koma og fyrsta grafan er komin á staðinn. Reynir Gunnarsson hjá Vegagerðinni segir að komið verði með vinnubúðirnar öðru hvoru megin við helgina og hann á von á að eitthvað verði byrjað að grafa í næstu viku. Gamalt máltæki segir ,,hálfnað er verk þá hafið er”. Í sumar verður farið að huga að undirbúningi fyrir byggingu nýrrar brúar yfir Hornafjarðarfljót og finna nýtt brúarstæði en um það eru skiptar skoðanir meðal heimamanna. Reynir segir að fyrsta fjárveiting til framkvæmdanna verði árið 2006 en hvort verkið verður boðið út þá er ekki vitað ennþá. Lesa meira

Nú er frágengið að nýr markmaður gengur til liðs við Sindra fyrir komandi tímabil. Markmaðurinn heitir Nezir Ohran, 31 árs gamall og er með mikla reynslu. Nezir kemur til landsins í byrjun apríl. Þetta eru góðar fréttir fyrir liðið og gífurlegur styrkur fyrir hópinn sem fyrir er. Ákveðið hefur verið að liðið fari í æfinga- og keppnisferð til Ólafsvíkur um páskana og verður þar tekist á við fyrrverandi þjálfara Sindra, Ejub Purisevic og lærisveina hans í Víking Ólafsvík sem sigruðu 3. deildina s.l. sumar. Hjá Sindra eru menn enn vongóðir um að 1 – 2 leikmenn bætist við hópinn fyrir átökin í sumar. Lesa meira

Aðgengi að Suðurfjörum er enn að mestu lokað eftir að Hólmsá braut sér leið til sjávar við Skinneyjarhöfða í stórflóðunum fyrir tæpum tveim árum. Helgi Már Pálsson bæjarverkfræðingur fór í síðustu viku að skoða aðstæður og segir hann að hægt sé að komast út á fjörur hjá Borg þ.e með leyfi landeiganda og eftir hans leiðsögn. Helgi telur að líklegasta leiðin fyrir veg út á Suðurfjörur sé rétt austan við Hólmsá og þar niður með ánni en það sé dýr vegagerð. Ekki er ljóst hvenær sú framkvæmd getur orðið þar sem engin fjárveiting er til. Helgi segir að miklar breytingar séu orðnar við ósinn sem á sínum tíma var grafið fyrir í landi Flateyjar við fjörurnar þar er komið mikið vatnsrennsli sem lokar leiðinni frá veginum út á sandinn vestan Hólmsá og segir Helgi það næsta ljóst að þar sé aðgerðar þörf. Lesa meira

Fegurðarsamkeppni Austurlands verður haldin í Egilsbúð Neskaupstað n.k. laugardag og er þetta í fimmtánda sinn sem keppnin er haldin. Fulltrúi Hornafjarðar í keppninni er Lilja Rós Aðalsteinsdóttir. Foreldrar hennar eru Aðalsteinn Aðalsteinsson og Elísabet Þorgerður Einarsdóttir. Lilja Rós er 22 ára gömul og nemur sálfræði við Háskólann á Akureyri og er þar á fyrsta ári. Einn af þeim titlum sem í boði er fyrir þær sjö stúlkur sem þátt taka í Fegurðarsamkeppni Austurlands er Netstúlka Símans og er kosning hafin. Lesa meira

Nú er í gangi sameiginleg opin vika í Hafnar- og Nesjaskóla undir yfirskriftinni “Sóðar og slóðar erum við ekki”. Þema vikunnar er umhverfistengt og markmiðið að nemendur og starfsfólk verði meðvitaðri um umhverfi sitt og umgengni við náttúruauðlindir jarðarinnar. Í þessari vinnu skólanna er blandað nemendum sem mest saman. Gengið er út frá því að eldri nemendur aðstoði þá yngri. 1. og 6. bekkur mynda einn vinnuhóp, 2. og 4. bekkur annan, 3. og 5. bekkur þann þriðja en 7. bekkur sér um almannatengsl. Lesa meira

Síðastliðin vetur tóku margar Hornfirskar fjölskyldur þátt í verkefninu “Fjölskyldan saman, gaman!” Það verkefni var m.a. hugsað til að auka tækifæri fjölskyldunnar til heilsueflandi samverustunda. Þátttaka fjölskyldufólks var mjög góð og í skoðanakönnun sem gerð var í tengslum við verkefnið kom fram mikil ánægja með framtakið og sterkur vilji til áframhaldandi vinnu í svipuðum dúr. Átti það bæði við um þátttakendur og aðila sem starfa við æskulýðs- og íþróttamál. Lesa meira

Á laugardaginn mun Þorsteinn Guðmundsson mæta með sýninguna sína “Fútt” á Hótel Höfn. “Fútt” er uppistandssýning þar sem blandað er saman hefðbundnu uppistandi og leikþáttum á myndbandi sem varpað er uppá tjald. Þorsteinn sem er löngu þekktur fyrir uppistand og þátttöku sína í gamanþáttum í sjónvarpi og kvikmyndum, kemur fram með brakandi ferskt efni, fjallar um íslenska bankaræningja, fálkaorðuna og fullkomlega nýja hlið á stjörnufræði svo fátt eitt sé nefnt. Lesa meira

Í dag hefst sameiginleg opin vika Hafnar- og Nesjaskóla. Yfirskrift vikunnar er “Sóðar og slóðar erum við ekki” Þema vikunnar er umhverfistengt og markmiðið að nemendur og starfsfólk verði meðvitaðri um umhverfi sitt og umgengni við náttúruauðlindir jarðarinnar. Mikil vinna hefur verið lögð í undirbúning fyrir þessa daga af starfsfólki skólanna til að allt megi ganga sem best fyrir sig. Lesa meira

Á föstudagskvöldið mun Harmoníkufélag Hornafjarðar standa fyrir harmoníkuhátíð og dansleik á veitingastaðnum Víkinni. Þetta er í tíunda skipti sem félagið stendur fyrir harmoníkuhátíð og hefur hún verið mjög vel sótt í gegnum tíðina. Allt frá upphafi hefur félagið boðið harmoníkuleikara utan Hornafjarðar á hátíðina og að þessu sinni er hátíðargesturinn Grétar Geirsson harmoníkuleikari og bóndi á Áshól við Hellu, en hann hefur kennt á harmoníku í sinni heimasveit og er vel þekktur spilari á Suðurlandi. Lesa meira

Undanfarin ár hefur dans verið kenndur í íþróttatímum Nesjaskóla og hafa krakkarnir haft mjög gaman af þeim tímum. En núna stendur meira til í skólanum til að efla dansáhugann enn frekar. Dagana 29. mars til 2. apríl mun Jón Pétur Úlfarsson danskennari hjá Dansskóla Jóns Péturs og Köru mæta og kenna dans í skólanum. Kennslan er fyrir alla nemendur skólans og fer fram á skólatíma. Krakkarnir munu fá einn tíma á dag og stefnt er að því að bjóða foreldrum í heimsókn í skólann föstudaginn 2. apríl til að líta á árangurinn. Ekki er nokkur vafi á að börnin muni hafa bæði gagn og gaman af þessari heimsókn enda dansinn líkamstjáningarform sem börnum er mjög eðlilegt að tjá sig með. Lesa meira

Aðalfundur Ferðamálafélags Austur Skaftafellssýslu var haldinn á Hótel Höfn s.l. fimmtudag. Mikil gróska er í ferðaþjónustu í Sveitarfélaginu og fer vaxandi. Ásmundur Gíslason sem hefur starfað ötullega að ferðamálum og verið formaður Ferðamálafélagsins síðust 10 árin gaf ekki kost á sér í stjórn að þessu sinni. Í hans stað var Guðrún Ingimundardóttir kosin formaður og með henni í stjórn Sigurlaug Gissurardóttir, Bjarni Skarphéðinn Bjarnason, Sigrún Kapitóla Guðrúnardóttir og Gísli Már Vilhjálmsson. Ásmundur flutti skýrslu stjórnar þar sem farið var vítt og breitt yfir starfsemi félagsins á síðast ári. Lesa meira

Þetta byrjar alveg þokkalega sagði Björn Lúðvík Jónsson skipstjóri, við komum með 1100 kg af slitnum humri, það er svipað og var í byrjun vertíðar í fyrra. Vandamálið er að það er allt fullt af fiski á þessum slóðum, verðlausri ýsu, og þá er verra að ná humrinum.Besti veiðitími fyrir humar segir Lúðvík vera í janúar – febrúar, þá er ekki fiskur á þessum slóðum en þá má ekki veiða hann. Humarinn veiddist við Tvísker og grunnt í Breiðamerkurdýpinu hann er frekar smár og ég held að hann verði það í sumar því það virðist vanta tvo áganga af humri sem væri orðinn stór núna. Lesa meira

Hvítasunnusöfnuðurinn í Hornafirði keypti húsið Hafnarbraut 59 árið 2002 sem nú er kirkja safnaðarins. Um fimmtán manns eru í söfnuðinum og núverandi leiðendur hans eru Anna Þorsteinsdóttir, Helgi Georgs og Einar Sigurðsson. Upphafsmenn að stofnun Hvítasunnusafnaðar í Hornafirði 1991 eru hjónin Þorsteinn Matthíasson og Helga Örvar og allt þar til söfnuðurinn fékk sína eigin kirkju fór allt safnaðarstarf fram á heimili þeirra Þorsteins og Helgu. Anna segir að messur séu alla sunnudaga kl. 14.00, þar er sungið, spiluð létt lofgjörð og ljúf lög, fluttar skemmtilegar frásagnir,prédikun og svo fyrirbænir fyrir þá sem vilja og að þessu loknu fáum við okkur kaffi. Lesa meira

Líkur á nýtanlegum jarðhita á svæðinu við Hoffell þar sem borað var eftir heitu vatni í vetur eru miklar. Nýlokið er hitamælingu úr holu 84 sem boruð var síðust og reyndist hitastigið í henni hærra en gert var ráð fyrir, hafði það hækkað úr 51° C í 55° á 420 metra dýpi og þannig er þessi hola jákvæð segir Helgi Már Pálsson bæjarverkfræðingur. Næst verður borað í holu 86, sem er 100 m djúp og hiti vatnsins þar var 22° , niður á 240 m dýpi og könnuð staðan með tilliti til vinnsluholu. Síðan verður farið í þriðju holuna og þar verður líklega borað niður á rúmlega 400 m. Lesa meira

Í gær var haldið kaffihúsakvöld á vegum Nemendafélags FAS. Kvöldið var sérlega vel lukkað og mættu um 100 manns. Keppt var í undankeppni fyrir söngvakeppni framhaldsskólanna sem haldin verður 3. apríl. Fimm nemendur FAS höfðu skráð sig í keppnina, en það voru þau Eysteinn Sindri Elvarsson, Ingibjörg Ingvarsdóttir, Ása Björk Þórisdóttir, Sigríður Bára Steinþórsdóttir og Steinunn Hödd Harðardóttir. Lesa meira

Þá er sumarblíðan sem leikið hefur við Hornfirðinga undanfarið horfin á braut og vetur konungur farinn að reyna að minna á sig. Veðurspáin til kl. 18:00 á morgun gerir ráð fyrir austan og norðaustan 10-15 m/s og rigning, en 13-18 m/s með ströndinni. Norðaustan 5-10 m/s og stöku skúrir í kvöld og á morgun, einkum austantil. Hiti 1 til 6 stig. Klukkan 12 á hádegi var NNA 11 m/s og tveggja stiga hiti í Akurnesi. Lesa meira

RARIK hefur hafið lagningu 8 km. jarðstrengs til að flytja þriggja fasa rafmagn frá aðveitustöðinni Hólum að væntanlegum gangnamunna í Almannaskarði með viðkomu í Haga. Verktaki við lagningu strengsins er verktakafyrirtækið Ljósvirki frá Reykjavík en eftirlitsaðili er RARIK á Hornafirði sem einnig sér um tengingar á strengnum og uppsetningu á spennistöðinni við göngin. Lesa meira

Hornfirska skemmtifélagið sem staðið hefur fyrir tónlistarveislunni “Með allt á hreinu” á Hótel Höfn við mjög góðar undirtektir mun bregða undir sig betri fætinum og halda í víking til höfuðborgarinnar, þar sem sýningin verður sýnd á Broadway á föstudagskvöldið. “Með allt á hreinu” er eins nafnið ber með sér dagskrá byggð á lögum úr samnefndri mynd Stuðmanna og þar rekur hver smellurinn annan. Lesa meira

Nú er heldur rólegt að verða yfir loðnumiðunum en flotinn er við veiðar í Faxaflóa. Bæði Jóna Eðvalds og Ásgrímur Halldórsson eru í Faxaflóa og var Jóna Eðvalds komin með um 250 tonn í morgun. Hjá Skinney-Þinganes eru menn langt komnir með að klára loðnukvóta fyrirtækisins, einungis eftir rúm 2.000 tonn. Lesa meira

Hjá Vökli Stéttarfélagi er verið að undirbúa atkvæðagreiðslu fyrir kjarasamninga og kynna nýgerða kjarasamninga Samtaka atvinnulífsins við verkafólk. Póstatkvæðagreiðsla er að fara af stað í þessari viku og verður öllum fullgildum félagsmönnum sem vinna eftir þessum kjarasamningi sendir atkvæðaseðlar. Félagsmenn á svæðinu frá Hornafirði til Stöðvarfjarðar eru um 370. Lesa meira

Á laugardaginn verður haldið austurlandsmót í fimleikum í íþróttahúsinu á Höfn. Þetta er í annað skiptið sem austurlandsmót er haldið, en á síðasta ári var mótið haldið á Egilsstöðum. Fimleikadeild Sindra náði mjög góðum árangri á mótinu á síðasta ári og vonandi verður árangurinn ekki síðri á heimavelli. Lesa meira

Á undanförnum misserum hefur verið unnið að undirbúningi að gerð kvikmyndar byggða á Bjólfskviðu. Gert er ráð fyrir að myndin verði að mestu tekin í Austur-Skaftafellssýslu. Myndin gengur undir nafninu “Beowulf & Grendel”. Bjólfskviða fjallar um ævintýri þar sem koma við sögu kóngar og hetjur, forynjur og tröll. Hér er sem sagt um að ræða ekta ævintýramynd sem verður að einhverju leyti í anda Hringadrottinssögu, þó að sjálfsögðu ekki í sama skala þar sem fjármagn verður mun minna. Lesa meira

Á undanförnum misserum hefur verið unnið að undirbúningi að gerð kvikmyndar byggða á Bjólfskviðu. Gert er ráð fyrir að myndin verði að mestu tekin í Austur-Skaftafellssýslu. Myndin gengur undir nafninu “Beowulf & Grendel”. Bjólfskviða fjallar um ævintýri þar sem koma við sögu kóngar og hetjur, forynjur og tröll. Hér er sem sagt um að ræða ekta ævintýramynd sem verður að einhverju leyti í anda Hringadrottinssögu, þó að sjálfsögðu ekki í sama skala þar sem fjármagn verður mun minna. Lesa meira

Búið er að ráða Stellu Hrönn Jóhannsdóttir úr hópi 21.umsækjanda í stöðu sérfræðings við Þjóðgarðinn í Skaftafelli. Stella Hrönn er ferðamálafræðingur sem verður þrítug í vor og eiginmaður hennar er Hornfirðingurinn Karl Guðmundsson, Svavarssonar. Stella Hrönn kemur til starfa í Skaftafell um miðjan apríl n.k. Fyrstu skólahóparnir á vorinu koma í Skaftafell í næstu viku, það eru fimmtíu nemendur Verslunarskólans sem heimsækja gestastofu og fara einnig að skoða jökulminjar. Lesa meira

Rauðakrossdeildin á Hornafirði afhenti í dag sýslumannsembættinu á Höfn hjartastuðtæki til að hafa í lögreglubílnum. Þetta eru tæki sem notuð eru ef hjartastopp verður. Tækin eru alsjálfvirk og ekki þarf neina sérkunnáttu til að nota þau, það getur hver sem er gripið þau og notað þau til hjálpar. En undir þeim kringumstæðum að hjartastopp verði er hver sekúnda dýrmæt. Lesa meira

Einar Björn Einarsson okkar maður frá Hornafirði sem er á hjólaskipi sínu á strandstaðnum í Meðallandsfjöru er núna að undirbúa að fara með línu úr landi út í dráttarbátinn. ”Þetta er bara taka tvö” sagði Einar Björn þegar við hringdum í hann um hádegið. Við erum á förum með línuna út í dráttarbátinn, þetta eru um tveir km. út í bátinn. Það er svona þokkalegt í sjóinn nema við landið þar er hálf leiðinlegt. Lesa meira

Á laugardaginn voru haldnir rokktónleikar af bestu gerð í Þrykkjunni, félagsmiðstöð unglinga á Hornafirði. Þrjár ungar, efnilegar og kraftmiklar hljómsveitir stigu þá á stokk og rokkuðu af öllum lífs og sálar kröftum. Mjög góð mæting var á tónleikana eða yfir 70 manns. Tónleika gestir voru mjög ánægðir með tónleikana og gaman að heyra hversu vel tónleikarnir voru skipulagðir og hversu mikinn metnað hinir ungu listamenn höfðu lagt í þá. Lesa meira

Í gær kom Jóna Eðvalds með 750 tonn af loðnu, skipið hélt aftur á miðin í gærkvöldi. Ásgrímur Halldórsson kom til löndunar í morgun með 750 tonn. Rólegt er á loðnumiðunum eins og er og ekkert hefur frést af veiði í morgun. Skipin eru flest að leita útaf Þjórsárósum, en nokkur hafa farið enn vestar en ekkert fundið. Sjómenn telja litlar líkur á því að loðnukvótinn náist úr því sem komið og stutt sé í að vertíðinni ljúki. Samkvæmt tölum Fiskistofu er heildaraflinn á vertíðinni komin í 511.000 tonn og eru samkvæmt því enn óveidd rúmlega 226.000 tonn. Lesa meira

Dagana 23. – 25. mars verður sameiginleg opin vika í Hafnar- og Nesjaskóla undir yfirskriftinni “Sóðar og slóðar erum við ekki”. Þema vikunnar er umhverfistengt og er markmiðið að nemendur og starfsfólk verði betur meðvitað um umhverfi sitt og umgengni við náttúruauðlindir jarðarinnar. Viðfangsefnum þessa verkefnis verður skipt í fjóra flokka sem eru: 1. Sorp og innkaup. 2. Samgöngur og loft. 3. Vatn og orka. 4. Virkjum aðra. Lesa meira

Slökkvilið Hornafjarðar var kallað út í dag um kl.17.30 vegna elds í íbúðarhúsinu á Reyðará í Lóni. Slökkviliðið var komið á staðinn 38 mínútum eftir útkall og gekk greiðlega að slökkva eldinn. Steinþór Hafsteinsson slökkviliðsstjóri segir að kviknað hafi í út frá kamínu sem var í viðbyggingu við gamla íbúðahúsið og þar var mestur eldur í millilofti svo að rífa þurfti þakjárnið af til að komast að eldinum. Sjúkrabíll var einnig kallaður út til öryggis en sem betur fer slasaðist enginn. Töluverðar skemmdir urðu á stofu og þaki viðbyggingarinnar. Lesa meira

Einar Björn Einarsson framkvæmdarstjóri Jökulsárslóns, skipstjóri og hjólaskipaeigandi er núna með eitt hjólaskip sitt vestur á Meðallandsfjöru þar sem verið er að undirbúa björgun fjölveiðiskipsins Baldvins Þorsteinssonar. Ég er hér með hjólabátinn ef á þarf að halda t.d. til að komast út að skipinu en það er svo mikið brim núna að ekki verður reynt að fara út meðan svona er nema brýn nauðsyn yrði sagði Einar Björn. Lesa meira

Lítið sjóveður er þessa stundina og liggja bátar því bundnir við bryggju og bíða þess að veður og sjór gangi niður. Ásgrímur Halldórsson og Jóna Eðvalds bíða eftir að veður gangi niður á loðnumiðunum, bæði skipin eru í höfn í Vestmannaeyjum. Sjóveðurspá gerir ráð fyrir 13 – 23 m/s en lítið eitt hægari í kvöld. Búast má við að heldur dragi úr vindi á morgun. Fyrir okkur landkrabbana þá gerir Veðurstofan ráð fyrir austan 10-15 m/s og rigning með köflum. Austan 5-13 m/s síðdegis á morgun, hvassast vestantil. Hiti 3 til 8 stig. Lesa meira

Á sunnudaginn mun mfl. karla hjá Sindra leika fyrsta leikinn sinn í deildarbikarkeppninni. Leikurinn er gegn Fjölni og verður leikinn í Reykjaneshöllinni kl. 16:00. Töluverðar breytingar hafa orðið á liði Sindra frá síðasta sumri og eru þær allar á einn veg, leikmenn hafa farið en engin komið í staðinn, enn sem komið er. Ef litið er á félagaskipti leikmanna Sindra frá 1. september 2003 til dagsins í dag þá hafa 6 leikmenn tilkynnt félagaskipti úr Sindra í önnur félög en engin skipt í Sindra. Lesa meira

Um síðustu helgi var óvenju mikið um að vera í lista og skemmtilífi Hornfirðinga, tvö leikrit frumsýnd og Stuðmanna skemmtun á Hótelinu. Ekki ætlar komandi helgi að vera síðri en sú síðasta. Í kvöld er hið árlega kúttmagakvöld Lions í Pakkhúsinu. Leikritið “Bar Par” verður sýnt í fjórða sinn í kvöld í Mánagarði, en leikritið hefur hlotið góða dóma og áhorfendur skemmt sér vel. Á morgun laugardag verða síðan tvær sýningar á “Allt í plati” með Leikhópnum Lopa. “Allt í plati” er skemmtilegt barnaleikrit sem engin ætti að missa af. Lesa meira

Nýr bátur, Silfurnes SF 99 hefur bæst í smábátaflota Hornfirðinga. Silfurnesið er hraðfiskibátur, Sómi 960 smíðaður í Bátasmiðju Guðmundar með tækjabúnað frá Radíómiðun. Báturinn er með 480 hestafla vél og búinn öllum hugsanlegum siglingartækjum og búnaði ásamt GPS kompás sem tryggir það að hann helst miklu betur á sjálfstýringu. Lesa meira

Stóra upplestrarkeppnin var haldin í Hafnarkirkju í dag. Þetta er í fjórða skipti sem keppnin er haldin með þessu fyrirkomulagi. Á fimmta þúsund krakkar í 150 skólum um allt land hafa verið dugleg að æfa sig fyrir upplestrarkeppnina. Þátttakendur í þessari keppni voru tíu nemendur úr 7. bekk Grunnskólanna á Djúpavogi, Hrollaugsstöðum, Hofgarði í Öræfum og Hafnarskóla. Lesa meira

Börnin í Leikskólanum Krakkakoti fengu sér göngutúr í dag ásamt fóstrum sínum og heimsóttu útibú Landsbankans. Tilefni heimsóknarinnar var myndlistarsýning í bankanum á teikningum sem krakkarnir í Krakkakoti hafa unnið. Fjöldi mynda og teikninga prýða veggi og þil í bankanum og verður sýningin í nokkra daga. Starfsfólk bankans tók vel á móti hópnum og bauð uppá ávaxtadrykki og kex sem var vel þegið, eftir þó nokkuð langa göngu. Lesa meira

Á sunnudaginn kl. 18:30 verður lokaþátturinn af “Krakkar á ferð og flugi” sýndur í sjónvarpinu. Það er Gunnar Örn Olgeirsson Hornfirðingurinn knái sem hleypir landsmönnum inn í líf sitt og fjölskyldu sinnar í þessum lokaþætti syrpunnar sem notið hefur mikilla vinsælda meðal landsmanna. Í þættinum er m.a. fylgst með Gunnari Erni í skólanum og skroppið í sumarbústaðinn í Stafafellsfjöllum, þar sem siglt er með gamlan trébát, hellar skoðaðir og farið á fjórhjól. Gunnar Örn er hress og kraftmikill strákur sem aldrei fellur verk úr hendi og verður spennandi að fylgjast með honum í sjónvarpinu á sunnudaginn. Lesa meira

Í fréttatilkynningu frá Álfastein ehf. Kemur fram að fyrirtækið hefur keypt sögunar- og slípunarverksmiðjuna af Flatey ehf. Verksmiðjan var áður í eigu Gabbrós ehf. og er staðsett í húsnæði graskögglaverksmiðjunnar í Flatey, Hornafirði. Kaupin ná til alls sem snéri að rekstri sögunarverksmiðjunnar, þ.á.m. stórvirkar steinsagir, sjálfvirkar slípivélar og efnislagera. Samhliða kaupunum gerði Álfasteinn langtíma leigusamning við ábúendur jarðarinnar Flateyjar um húsnæði og aðra aðstöðu fyrir verksmiðjuna. Með kaupum Álfasteins á sögunarverksmiðjunni í Flatey er fyrirtækið að fara inn á ný svið og styrkja sig á þeim mörkuðum sem það starfar nú þegar á. Lesa meira

Krakkarnir í 3. bekk Nesjaskóla fengu góða heimsókn í morgun en þá færði Hrafn Jökulsson frá Skákfélaginu Hróknum, þeim að gjöf bókina “Skák og mát” sem er glæsileg kennslu- og æfingabók þar sem Anatolíj Karpov kennir ungum skákmönnum nýjar aðferðir til að tefla til sigurs, allt frá því þeir læra mannganginn. Karpov nýtur aðstoðar Andrésar, Mikka, Guffa og fleiri teiknimyndapersóna til að gera skákina skemmtilegri en nokkru sinni fyrr. Hrafn sagði að allir nemendur í þriðja bekk á Íslandi fengju þessa bók að gjöf og að lokinni heimsókn í Nesjaskóla væri Hrókurinn búinn að heimsækja 121 skóla á landinu. Þetta er glæsilegt framtak hjá Hróknum og á vafalaust eftir að glæða skákáhugann hjá ungum sem öldnum um allt land. Lesa meira

Á laugardagskvöld kl. 20:00 munu ungir og efnilegar tónlistarmenn á Hornafirði efna til rokktónleika í Sindrabæ og eru tónleikarnir ætlaðir fyrir 13 ára og eldri og er aðgangseyrir kr. 300. Þær hljómsveitir sem koma fram eru Fiction, en hana skipa þeir Ragnar, Valur, Aron og Hörður. Cock Robin en hana skipa þeir félagar Emil, Elvar Bragi, Benni og Dóri. Þriðja hljómsveitin heitir Skítúr en hana skipa Jake, Emil, Júlli og Gísli Halldór. Hljómsveitameðlimir eru á aldrinum 14 – 20 ára. Það er því spennandi kvöld framundan í Sindrabæ þar sem allar helstu vonarstjörnur Hornafjarðar í rokk geiranum koma saman og skemmta sér og öðrum. Nú er bara um að gera fyrir unga sem aldna að drífa sig í Sindrabæ á laugardagskvöldið og upplifa rokkveislu af bestu gerð. Lesa meira

Nú er unnið hörðum höndum við að grafa grunn fyrir nýju Esso stöðinni við Vesturbraut og gengur verkið vel fyrir sig. Stefnt er að því að hin nýja stöð verði tilbúin í sumarbyrjun. Töluverðu efni hefur verið keyrt í hólinn á bak við stöðina enda var lögð áhersla á að leiksvæði barna á svæðinu yrði ekki skert. En eins og Hornfirðingar nær og fjær vita hefur hóllinn verið vel nýttur þá fáu daga á ári sem snjór er á Hornafirði og vonandi verða þessar breytingar sem gerðar verða til bóta og börnunum til ánægju. Lesa meira

Samningar um gerð jarðgangna undir Almannaskarð verða undirritaðir í dag. Það eru fyrirtækin Héraðsverk og Norska fyrirtækið Leonard Nilsen og sonner sem áttu lægsta tilboðið í verkið eða rúmar 779 milljónir, en kostnaðaráætlun Vegagerðarinnar hljóðaði upp á 856 milljónir. Reikna má með að fljótlega verði farið í að setja upp vinnubúðir og framkvæmdir hefjist fljótlega upp úr því. Gengið hefur verið frá samningi við G. Þorsteinsson á Hornafirði um byggingu vegskálanna. Lesa meira

Um s.l. helgi var mikið um að vera í listalífinu á Hornafirði. Á föstudagskvöld frumsýndi leikfélag Hornafjarðar leikritið “Bar par” í Mánagarði við góðar undirtektir áhorfenda. Á sunnudaginn frumsýndi Leikhópurinn Lopi barnaleikritið “Allt í plati” og var húsfyllir. Gott leikrit í góðum flutningi nemenda Heppuskóla og var gaman að fylgjast með þátttöku yngstu áhorfendanna, sem oft tóku virkan þátt í sýningunni. Leikstjóri beggja þessara sýninga er Magnús J. Magnússon. Á laugardagskvöldið var sýningin “Með allt á hreinu” tónlistarveisla þar sem Stuðmanna stemningin er tekin fyrir og var mikið fjör á þeirri sýningu. Lesa meira

Nú styttist í lok loðnuvertíðar og á Skinney-Þinganes eftir rúm 3.000 tonn óveidd. Jóna Eðvalds landaði í gær 750 tonnum og er hún komin aftur á miðin útaf Skarðsfjöru, ágætis veiðiveður er þar sem stendur en veðurspáin er ekki góð. Ásgrímur Halldórsson kom til löndunar í morgun með 750 tonn. Frysting á Rússlandsmarkað er í fullum gangi en frystingu á hrognaloðnu er lokið. Hrognavinnsla hefur gengið vel hjá Skinney-Þinganes en slík vinnsla hefur ekki verið hjá fyrirtækinu síðan 1997. Lesa meira

Júlíus Freyr Valgeirsson hefur tilkynnt félagaskipti yfir í HK. Þetta er mikil blóðtaka fyrir lið Sindra enda Júlli einn af reyndari mönnum liðsins, leikið 143 deildarleiki og skorað 22 mörk á 10 ára ferli sínum með Sindra. Á heimasíðu HK kemur fram að Júlli hafi gert tveggja ára samning við félagið og sé honum ætlað að fylla skarð Þórðar Jenssonar í stöðu vinstri bakvarðar, en Þórður gekk til liðs við Val. Eins og áður hefur komið fram þá hafa þeir Halldór Steinar Kristjánsson og Kjartan Páll Þórarinsson skipt yfir í ÍR, Jón Haukur Haraldsson er farin í Val og Björn Pálsson er komin til Víkings, en reiknað er með að hann snúi aftur á heimaslóðir með vorinu. Lesa meira

Sumir hafa velt því fyrir sér hvað margir bílar fari um vegina í nágrenni Hafnar á hverjum degi. Til að fá svör við því var leitað til Reynis Gunnarsonar hjá Vegagerðinni sem að vanda brást vel við og fékk hann umferðartalningu frá árinu 2003 á nokkrum stöðum á hringveginum frá Skeiðarársandi austur að Djúpavogi ásamt veginum yfir Öxi. Mest er umferð um hringveginn vestan Hafnarvegar (við Lónsvegamót), þar er meðalumferð á dag yfir árið 943 bílar. Meðalumferð á dag frá 1. júní til 30.sept voru 1244 bílar og vetrarmánuðina 719 bílar. Minnst umferð á dag var 25.des. 443 bílar. Mest umferð á þessari leið á dag var 5. júlí 2982 bílar. Á hringvegi austan Hafnarvegar var meðal umferð á dag yfir árið 368 bílar. Meðaltal á dag yfir júní til og með sept. 572 bílar og vetrarmánuðina 229 bílar á dag. Minnsta umferð á dag var 31. des. 113 bílar og mest 23. júlí 936 bílar. Lesa meira

Samninganefnd Vökuls kom saman í vikunni og ræddi stöðuna í samningamálum. Eftir fundinn sendi nefndin frá sér eftirfarandi ályktanir, Ályktun: Samninganefnd Vökuls Stéttarfélags er farið að lengja eftir því að gengið verði frá endurnýjun kjarasamninga milli SGS og SA annars vegar og SGS og Ríkisins hins vegar. Samningar hafa verið lausir síðan um áramót og viðræður dregist á langinn. Kröfur SGS eru hógværar og skorar samninganefnd Vökuls á samninganefnd SGS að hvika hvergi frá upphaflegum launakröfum. Þá krefst samninganefndin jöfnunar lífeyrisréttar landsmanna. Takist ekki samningar á næstu dögum hvetur samninganefndin til þess að gripið til verkfallsaðgerða til að skapa þrýsting. Lesa meira

Lengd viðvera fyrir yngstu skólabörnin hefur verið starfrækt í Hafnarskóla í vetur og eru það krakkar í 1. – 4. bekk sem geta nýtt sér þessa þjónustu. Krakkarnir koma eftir að skóla líkur og eru 13 börn í lengdri viðveru, en að auki eru 4 börn úr sveitunum sem setjast yfir heimanámið meðan beðið er eftir skólarútunni. Umsjónarmaður með lengdri viðveru er Súsanna Torfadóttir og sagði hún að reynt væri að hafa þetta eins heimilislegt og hægt væri, enda börnin oft orðin þreytt eftir langan skóladag. Við erum dugleg að fara út þegar vel viðrar en þegar veðráttan leikur ekki við okkur þá finnum við okkur eitthvað skemmtilegt að gera innanhúss. Á miðvikudaginn var t.d. vídeódagur og þá var bökuð skúffukaka og allir höfðu það huggulegt. Lesa meira

Ungmennafélagið Sindri hélt aðalfund sinn s.l. þriðjudag. Fram kom á fundinum að góð þátttaka er í þeim greinum sem boðið er upp á og fjármál deildanna eru í góðu lagi. Eins og undanfarin ár gengur illa að fá fólk til stjórnarstarfa í deildunum sem og aðalstjórn og er það umhugsunarefni fyrir íbúa sveitarfélagsins. Það er nokkuð ljóst að erfitt verður að halda úti virkri íþróttastarfssemi ef engin fæst til að sitja í stjórnum deildanna. Ný aðalstjórn var kjörin og hana skipa: Magnús Jónasson, formaður, Valdemar Einarsson, gjaldkeri og Herdís Tryggvadóttir, ritari. Lesa meira

Um komandi helgi verður mikið um að vera í listalífinu á Hornafirði. Tvö leikrit verða frumsýnd og á Hótel Höfn verður tekið aftur til við að sýna “Með allt á hreinu”. Leikfélag Hornafjarðar frumsýnir leikritið “Bar Par” eftir Jim Cartwright í Mánagarði kl. 20:30 á föstudagskvöld í leikstjórn Magnúsar J. Magnússonar. Í leikritinu er litið inn á bar og skyggnst inn í líf bar hjónanna og fastagestanna, sem eru ansi skrautlegir svo ekki sé meira sagt. Á sunnudaginn kl. 14:00 frumsýnir síðan leikhópurinn Lopi barnaleikritið “Allt í plati” eftir Þröst Guðbjarnarson í leikstjórn Magnúsar J. Magnússonar. Í því verki bregður fyrir mörgum ævintýrapersónum m.a. sjáum við Línu Langsokk, Mikka ref, Lilla klifurmús og Karíus og Baktus. Lesa meira

Vetrarhlaupi, keppni fuglaskoðara um hver mundi sjá flestar tegundir fugla frá 1.desember 2003 til 29.febrúar 2004 er lokið. Sigurvegari í keppninni var Björn Arnarson á Höfn sem sá 89 tegundir fugla á tímabilinu. Tíu manns skráðu sig til leiks og var keppnin lengi tvísýn og spennandi. Alls sáust 98 tegundir. Sjaldséðasti fuglinn sem Björn sá var sparrhaukur sem sást við Stafafell í Lóni og mun þetta vera í fjórða sinn sem hann sést hér á landi svo vitað sé. Sparrhaukur er á stærð við smyril og drepur smáfugla sér til matar. Hann er algengur í Evrópu, hraðfleygari en smyrill, skæðari í smáfuglunum og á auðvelt með að veiða í skóglendi. Lesa meira

Þá liggur fyrir hverjir verða fulltrúar Hafnarskóla á lokahátíð Stóru upplestrarkeppninnar sem fram fer fimmtudaginn 11. mars kl. 15:00 í Hafnarkirkju. Þau sem keppa fyrir Hafnarskóla eru: Áróra Snorradóttir, Hafdís Hauksdóttir, Hilmar Guðjónsson, Selma Lind Jónsdóttir og Þórgunnur Þórsdóttir. Á lokahátíðinni munu nemendur frá Hafnarskóla, Hrollaugsstaðaskóla, Grunnskólanum Hofgarði og Grunnskóla Djúpavogs reyna með sér í upplestri og að auki verður boðið upp á tónlistaratriði. Nú er bara um að gera fyrir bæjarbúa að fjölmenna í Hafnarkirkju fimmtudaginn 11. mars og hlýða á upplestur krakkanna og njóta ljúfra tónlistar. Lesa meira

Ekki er útlit fyrir sjóveður hjá netabátum á Höfn næstu tvo daga og eru þeir búnir að taka upp netin. Veiði hefur verið dræm undanfarið ,,svona kropp, 3 -5 tonn á bát “ sagði Sívar Árni Scheving hjá Bestfiski. Sex bátar landa hjá Bestfiski og þar vinna 12- 14 manns. Við bíðum með að bæta við mannskap þangað til að fer að veiðast betur, leggjum bara harðara að fólkinu hér á meðan því þetta er alveg úrvals lið sem við höfum og það ræður vel við álag. Gunnar Ásgeirsson hjá Skinney Þinganesi sagði að vinnsla hefði verið stöðug hjá þeim það sem af er vertíðinni. Fimm bátar eru á netum og fer allur þorskur í salt, ýsa og karfi eru flutt til Reyðarfjarðar og unnið þar í frystingu. Lesa meira

Veðurstofan gerir ráð fyrir mjög slæmu veðri á landinu fram á morgundaginn og má búast við meira en 20 m/s víða um land. Veðurspáin fyrir suðausturland gerir ráð fyrir suðaustan 13-18 m/s og rigning, en 18-23 vestantil. Dregur úr vindi í nótt, sunnan og suðvestan 10-15 m/s og skúrir á morgun, en hægari síðdegis. Hiti 5 til 8 stig. Á sjálfvirku veðurathugunarstöðinni í Hvanney var vindhraði 10 m/s kl. 13:00 og loftþrýstingur 1001,2 hPa og fallandi. Sjóveðurspáin gerir ráð fyrir SA 13-25 m/s og rigningu í fyrstu, en SV 8-13 m/s og skúrir á morgun. Lesa meira

Í kvöld kl. 20:00 verða sannkallaðir stórtónleikar í Nýheimum. Tónleikar sem engin má missa af. Tónleikarnir bera nafnið “Evrópuvegavinna á ferð um Ísland” og þar koma fram Hera, sem valin var besta söngkona ársins á Íslensku tónlistarveðlaununum 2003. Fiamma sem er ítölsk söngkona en með henni leika sekkjapípu- og bassaleikarinn Jessica Lombardi og harmonikkuleikarinn Alberto Cottica og flokkast tónlist þeirra undir ”ethno-techno” og Adam Masterson sem er 22 ára gamall Lundúnarbúi sem sækir áhrif sín til Van Morrison og Bruce Springsteen. Adam hefur nýverið sent frá sína fyrstu plötu sem fengið hefur einróma lof gagnrýnanda. Lesa meira

Um s.l. helgi fóru félagar í Hornafjarðardeild ferðaklúbbsins 4x4 í þorrablótsferð í Snæfellsskála. Þorkell Kolbeins sagði að þeir hefðu lagt á stað síðdegis á föstudag og var farið á 7 bílum og keyrt austur um, inn Fljótsdalsheiði og endað í Snæfellsskála. Á laugardeginum ókum við inn í Maríutungur og þar inn á jökul. Farið var yfir Brúárjökul í Kverkfjöllum og Hveragilið skoðað. Síðan lág leiðin um Grágæsadal og Kárahnjúka og komið til baka um kvöldmatarleyti í Snæfellsskála. Jón Bragason var þá mættur þar við þriðja mann með þorramat svo hægt væri að slá upp ekta þorraveislu. Lesa meira

Vetrarmót Hornfirðings var haldið um helgina. Þar var keppt í tölti í barna, unglinga, karla og kvennaflokki. Góð þátttaka var í mótinu sem fram fór á ís á Rotunum við félagsvæði Hornfirðings í blíðskaparveðri. Helstu úrslit urðu þau að í barnaflokki sigraði Ellert Máni Eyjólfsson í öðru sæti varð Selma Jónsdóttir og í þriðja sæti var Bjarney Unnsteinsdóttir. Í flokki unglinga sigraði Ríkey Kjartansdóttir en hún var eini unglingurinn sem þreytti keppni. Í kvennaflokki sigraði Hanny Heiler, í öðru sæti varð Harpa Baldursdóttir og í þriðja sæti varð Lena Hrönn Marteinsdóttir. Í karlaflokki sigraði kaupfélagstjórinn Pálmi Guðmundsson á Baun, í öðru sæti varð Ágúst Ólafsson á Fálka og í þriðja sæti varð Daninn, Martin Elíasson á Orku frá Bjarnanesi. Lesa meira

Frá því árið 2002 hefur Heppuskóli verið þátttakandi í tilraunaverkefni þar sem tekið er á einelti og andfélagslegri hegðun. Prófesor Dan Olweus sem starfar við Háskólann í Bergen í Noregi er höfundur þeirrar hugmyndarfræði sem unnið er eftir og ber verkefnið nafn hans. Verkefnið er unnið undir stjórn Menntamálaráðuneytis. Í nóvember 2003 var lögð fyrir eineltiskönnun í Heppuskóla sem er hluti af þessu verkefni og þegar bornar eru saman eldri kannanir í Heppuskóla og á landsvísu kemur í ljós að einelti hefur minnkað á landsvísu sem og í Heppuskóla. Guðmundur Ingi Sigbjörnsson skólastjóri Heppuskóla sagði að fullsnemmt sé að fagna sigri, en enga að síður séu þetta ánægjulegar tölur. Einelti er enn í skólanum og við munum halda áfram að starfa eftir áætlun Olweusar í þeirri von að ná enn betri árangri. Lesa meira

Ferðaþjónustuaðilar í Austur Skaftafellssýslu hafa nóg að gera við undirbúning fyrir sumarið og allt bendir til þess að þetta verði gott ferða-sumar. Hjá ferðaþjónustunni í Arbæ á Mýrum hefur verið lögð áhersla á góða aðstöðu fyrir fatlaða og að þeir fái sem besta þjónustu. Unnið er núna að viðbyggingu við borðsal þar sem verður betra aðgengi, rúmgott andyri og einnig kemur þar góð snyrtiaðstaða sérútbúin fyrir fatlaða. Við leggjum áherslu á að geta tekið vel á móti þeim sem eru fatlaðir og erum með eitt herbergi sérútbúið og eins geta þeir notað hin herbergin sem hér eru þó þau séu ekki með sér búnaði segir Sigurlaug Gissurardóttir ferðaþjónustubóndi. Lesa meira