Júní
  • Æfingar hjá sunddeild Sindra

Allir í sund, frítt í sund á morgun

Á morgun verður Hornfirðingum sem og öðrum landsmönnum boðið að stinga sér til sunds vítt og breitt um landið undir yfirskriftinni ?Allir í sund?. Það eru Síminn og Sundsamband Íslands (SSÍ) sem standa að þessari sundhátíð og verður frítt í valdar sundlaugar um allt land þennan dag. Alls tekur 41 sundstaður þátt í sundhátíðinni, þar á meðal sundlaugin hér á Höfn og allar sundlaugar á höfuðborgarsvæðinu. Auk þess sem boðinn er frír aðgangur í laugarnar verður ýmislegt gert til skemmtunar. Á milli kl. 13 og 16 munu ungmenni frá sundfélögunum bjóða upp á sundkennslu og standa fyrir ýmsum leikjum og eiga sundlaugargestir kost á því að vinna sér inn verðlaun með þátttöku í leikjunum. Þá verður spiluð sumartónlist fyrir sundlaugargesti auk þess sem Síminn býður gestum sundlauganna upp á hressingu.

Sundhátíðin er liður í samstarfi Símans og SSÍ, sem hófst 8. maí þegar skrifað var undir samstarfssamning sem miðar að því að auka áhuga almennings á sundíþróttinni, hvetja landsmenn til þess að fara í sund, stunda holla hreyfingu, hressandi útiveru og andlega upplyftingu.

Við undirritun samstarfssamningsins þann 8.maí sl. tóku starfsmenn sig saman um að heita á Símann um fjárstyrk gegn því að starfsfólkið synti eða tæki þátt í ýmsum sundleikjum til styrktar góðu málefni. Síminn tók áheitinu og í kjölfarið söfnuðu starfsmenn 3,5 milljónum króna sem ákveðið var að myndu renna til sunddeildar Íþróttasambands fatlaðra. Rúmlega helmingur allra starfsmanna Símans tók þátt í Sundkarnivali Símans sem fór fram í Laugardalslauginni en auk þess fóru 58 frískir starfsmenn í sjósund í Nauthólsvíkinni og settu Íslandsmet í sjósundi þann dag.


 




Fréttir


Tungumál



Útlit síðu:

Brúin yfir Kotá hækkuð Lögreglan á Höfn við eftirlitsstörf Heimir Þór þurrkar fjallagrös Frá brunanum í Akurey (úr myndasafni)