Fréttir

Fjárhagsáætlun 2014 rekstrarniðurstaða jákvæð um 179 m.kr.

9.1.2014 Fréttir

Fjárhagsáætlun 2014 til 2017

Þann  12. desember sl. samþykkti bæjarstjórn Hornafjarðar fjárhagsáætlun fyrir árið 2014. Einnig var samþykk þriggja ára fjárhagsáætlun  2015 til 2017.   Fjárhagsáætlunin var unnin í góðri samvinnu kjörinna fulltrúa og starfsmanna sveitarfélagsins með það að markmiði að tryggja og bæta þjónustu við íbúa sveitarfélagins og halda álögum í jafnvægi eins og kostur er.

Helstu lykilstærðir áætlunarinnar fyrir A og B hluta rekstrarársins 2014 er að rekstrarniðurstaða jákvæð sem nemur 179 m.kr.  Framkvæmdir og fjárfesting fyrir árið 2014 er áætluð 358 m.kr.  Veltufé frá rekstri verður jákvætt um 346 m.kr.

Helstu lykilstærðir áætlunarinnar fyrir A og B hluta rekstrarárin 2014 – 2017 er að rekstrarniðurstaða verður jákvæð öll árin eða sem samsvarar 779 m.kr á tímabilinu.  Framkvæmdir og fjárfesting tímabilsins er áætluð 1.083 m.kr.  Lántaka tímabilsins er áætluð 100 m.kr á meðan afborganir langtímalána er áætlað 444 m.kr 

Álagningarreglur sveitarfélagsins eru óbreyttar frá fyrra ári að öllu leiti nema að breyting verður á útsvarshlutfalli, hækkun um 0.04% úr 14,48% í 14,52% ef að frumvarp um breytingar á lögum nr. 4/1995 um tekjustofna sveitarfélaga verði samþykkt á alþingi. Gert er ráð fyrir að álagningarhlutfall tekjuskatts lækki um samsvarandi hlutfall þannig að ekki verður um heildarhækkun tekjuskatts og útsvars að ræða. Þannig að hinn almenni skattborgari mun ekki finna fyrir þessum breytingum nái þær fram að ganga.

Þær gjaldskrárbreytingar sem urðu nú um áramót hjá sveitarfélaginu eru á stöku gjaldi í sund og leigu á sundfatnaði og handklæði. Einnig er gerð breyting á sorpgjöldum sem tengjast innleiðingu 2ja tunnu kerfi. Aðrar gjaldskrár eru óbreyttar um áramót.

Helstu niðurstöður áætlunarinnar fyrir A og B hluta árin 2014 – 2017 eru eftirfarandi:

2014 2015 2016 2017
Rekstrarniðurstaða (m.kr.) 179.284 196.794 201.586 201.708
Skuldir í hlutfalli af tekjum 65,00% 61,74% 58,08% 54,01%
Framkvæmdir (m.kr.) 358.000 200.000 200.000 325.000
Framlegð (EBIDTAR) % 17,87% 18,81% 18,99% 18,99%
Veltufé frá rekstri (m.kr.) 346.002 371.212 378.665 382.713
Handbært fé í árslok (m.kr.) 24.736 86.674 151.569 90.825
Afborganir langtímalána (m.kr.) (102.820) (109.274) (113.770) (118.458)
Ný lántaka A-B hluta (m.kr.) 100.000  
Langtímalán við lánastofnanir 665.963 582.435 491.139 415.902
Langtímalán á hvern íbúa 305.487 267.172 225.293 190.780
Skatttekjur hvern íbúa 729.183 729.183 729.183 729.183

 

Framkvæmdaáætlunin snýr að fjárfestingu í Vöruhúsi KASK við Hafnarbraut sem að sveitarfélagið hefur haft á leigu sl. 9 ár að hluta eða öllu leyti. Farið verður í miklar fráveituframkvæmdir á hafnarsvæði og lokið við fráveituframkvæmdir í Nesjum. Framkvæmdir verða m.a. í Ekru, þjónustumiðstöð við áhaldahús, Sindrabæ, götur, gangstéttir og opin svæði. Haldið er áfram samkvæmt viðhaldsáætlun sveitarfélagsins að öðru leyti.

Nánari upplýsingar um fjárhagsáætlun eru aðgengilegar á pdf formi HÉR

Senda grein

 




Fréttir


Tungumál



Útlit síðu:

Brúin yfir Kotá hækkuð Lögreglan á Höfn við eftirlitsstörf Heimir Þór þurrkar fjallagrös Frá brunanum í Akurey (úr myndasafni)