Grunnskólinn í Hofgarði

Nemendur skólans eru 11 í 1.- 6. bekk skólaárið 2009 - 2010. Í ár er staðan þannig að öll börn sveitarinnar eru komin upp úr leikskóla þannig að leikskólinn starfar ekki núna. Við skólann starfa núna auk skólastjóra 1 kennari, 1 leiðbeinandi sem jafnframt sér um tónlistarkennslu og 1 stuðningsfulltrúi í hlutastarfi. Matráðskona sér um máltíð í hádeginu og 1 starfsmaður hefur umsjón með húsinu og annast þrif. Við skólann starfa því 6 manns, sumir í heilli stöðu en aðrir í hlutastarfi. Þar að auki er skólabílstjóri sem sér um daglegan akstur til og frá skóla. Skólastjóri er Pálína Þorsteinsdóttir