Kennara eða leiðbeinanda vantar í 100 % starf í textilmennt (handmennt) á mið- og unglingastig á næsta skólaári.  Launakjör samkvæmt kjarasamningi sveitarfélaga við KHÍ.  Skólaliða vantar í 100 % starf í Grunnskóla Hornafjarðar, Hafnarskóla. Hann þarf að geta hafið störf sem fyrst. Starf skólaliða felst fyrst og fremst í ræstingum og eftirliti með nemendum. Launakjör samkvæmt kjarasamningi sveitarfélagsins við stéttarfélög. Umsóknum skal skilað til skólastjóra þar sem fram koma upplýsingar um aldur og reynslu. Frekari upplýsingar gefur skólastjóri í síma 470 8440 / 899 5609, thorgunnur@hornafjordur.is

Lesa meira

Samkvæmt nýjum grunnskólalögum hefur foreldra- og kennararáð verið lagt niður en í stað þess skal kosið Skólaráð við alla skóla. Í grunnskólalögunum segir m.a. "Við grunnskóla skal starfa skólaráð sem er samráðsvettvangur skólastjóra og skólasamfélags um skólahald. Skólaráð tekur þátt í stefnumörkun fyrir skólann og mótun sérkenna hans. Skólaráð fjallar um skólanámskrá skólans, árlega starfsáætlun, rekstraráætlun og aðrar áætlanir um skólastarfið. Skólaráð skal fá til umsagnar áætlanir um fyrirhugaðar meiri háttar breytingar á skólahaldi og starfsemi skóla áður en endanleg ákvörðun um þær er tekin. Skólaráð fylgist almennt með öryggi, aðbúnaði og almennri velferð nemenda. Skólanefnd, sbr. 6. gr., getur með samþykki sveitarstjórnar falið skólaráðum einstakra skóla ákveðin verkefni þessu til viðbótar. Lesa meira