Fréttir Grunnskóli
Meira af öskudegi
Unglingarnir hafa ekki síður gaman af öskudegi en yngri börnin þó þau vilji stundum gera hlutina öðru vísi. Margir nemendur á unglingastigi mættu í búning á öskudag og hæfileikakeppnin sem haldin var í tilefni dagsins tókst vel og eru margir upprennandi listamenn í skólanum. Á öskudagskvöld héldu 8. - 10. bekkingar þorrablót og var það bæði mikil og góð skemmtun.
Undanfarin ár hafa stelpurnar oft talað um að þær langi að gera eitthvað í tilefni konudags og á öskudag tóku stelpurnar í 9. bekk sig til og bökuðu pönnukökur fyrir allt unglingastigið. Að hæfileikakeppninni lokinni buðu þær síðan samnemendum sínum í pönnukökur í tilefni konudagsins sem er næsta sunnudag.
