Frelsi - Metnaður - Virðing - Jákvæðni - Vinátta

7. bekkur í heimsókn á Krakkakot og Lönguhóla - 27.11.2013 Fréttir

Þetta var mjög gaman og flest börn voru mjög áhugasöm. Okkur var líka skipt í þrjá hópa á þrjár deildir og lásum við fyrir mismunandi aldurshópa og fullt af mismunandi bókum. Þetta voru mjög skemmtilegar og fróðlegar bækur.

Lesa meira

Líf og fjör í skólanum - 25.11.2013 Fréttir

Núna stendur yfir bekkjarkeppni í „Dodge-ball“ og fer hún fram í íþróttahúsinu í löngu frímínútunum. Þessi uppákoma er ein af mörgum sem nemendaráð skólans stendur fyrir á þessu skólaári. Hver árgangur sendir tvö lið nema 7. bekkur sem á eitt lið í keppninni og starfsmenn skólans sem verða einnig með eitt lið.

Lesa meira

Bekkjarsáttmáli 3. S - 21.11.2013 Fréttir

Í Grunnskóla Hornafjarðar er unnið eftir uppeldisstefnunni „Uppeldi til ábyrgðar“. Í stefnunni eru grunnþarfirnar fimm lykilatriði en fjórar þarfanna eru tilfinningalegs eðlis og sú fimmta líkamlegs. Þessar grunnþarfir eru umhyggja, áhrif, frelsi, ánægja og öryggi. Þarfir okkar einkenna okkur, hafa áhrif á okkur og hegðun okkar og gera okkur öll ólík.

Lesa meira

Lúðrasveit Tónskólans spilar fyrir nemendur grunnskólans. - 18.11.2013 Fréttir

Miðvikudaginn 13. nóvember var  nemendum 1. – 6. bekkjar, ásamt kennurum og öðru starfsfólki grunnskólans, boðið á bráðskemmtilega tónleika í Sindrabæ.

Lesa meira
Baráttudagur gegn einelti í Grunnskóla Hornafjarðar

Annarskil í grunnskólanum - 14.11.2013 Fréttir

Nú er komið að annarskilum. Haustönn að ljúka og vetrarönn tekur við. Föstudaginn 15. nóvember er viðtalsdagur þar sem nemendur ásamt foreldrum mæta í viðtal við umsjónarkennara. Mánudaginn 18. nóvember er starfsdagur og því frí hjá nemendum.

Lesa meira

Baráttudagur gegn einelti - 3. og 4. bekkur. - 10.11.2013 Fréttir

Á baráttudegi gegn einelti var rætt um einelti og mikilvægi vináttu í öllum árgöngum skólans og unnið með efnið á mismunandi hátt. Börnin í 3. S og 4. S komu saman, bjuggu til vinabönd og áttu góða og skemmtilega stund. Kl. 13.00 fóru börnin ásamt öðrum nemendum skólans á miðsvæðið og meðan skólabjöllur hringdu og bílflautur voru þeyttar gengu nemendur og kennarar um og gáfu hvert öðru háa fimmu. Lesa meira
Baráttudagur gegn einelti í Grunnskóla Hornafjarðar

Baráttudagur gegn einelti, myndbönd - 08.11.2013 Fréttir

Á baráttudegi gegn einelti var rætt um einelti í öllum árgöngum skólans og unnið með efnið. Í nokkrum árgöngum voru gerð myndbönd sem hægt er að nálgast hér en nemendur fetuðu í fótspor íslenska kvennalandsliðsins í knattspyrnu frá því í fyrra. Kl. 13:00 hittist allur skólinn á miðsvæðinu. Skólabjöllur beggja skóla áttu að hringja í 7 mínútur en því miður var skólabjallan í Heppuskóla biluð þegar til átti að taka. Því þeyttu nokkrir kennarar lúðra bíla sinna í staðinn. Þannig var málunum bjargað en í skólastarfi er mikilvægt að geta bjargað málum þegar eitthvað fer úrskeiðis, rétt eins og það er mikilvægt að geta bætt fyrir hegðun sína þegar maður gengur á hlut annarra.

Lesa meira
Danssýning 1. nóv

Baráttudagur gegn einelti - 07.11.2013 Fréttir

Á morgun munu skólabjöllur hringja í 7 mínútur frá kl. 13:00, eina mínútu fyrir hvern dag vikunnar sem við viljum vera laus við einelti. Nemendur skólans munu safnast saman á miðsvæðinu á meðan bjöllur glymja. Við hvetjum alla bæjarbúa sem hafa tækifæri til að koma að skólanum og þeyta bílflautur sínar með okkur í þessar mínútur og sýna þannig samstöðu við að vinna bug á meini sem veldur gríðarlegum skaða í samfélaginu á hverju ári.

Lesa meira

Trúðar í leikskólanum - 01.11.2013 Fréttir

Núna er lokið fyrsta tímabili í smiðjum. Til að sýna afraksturinn í leiklistinni fóru nemendur í 9. og 10. bekk í heimsókn í Krakkakot. Smiðjurnar eru í u.þ.b. átta vikur í senn og í fyrstu smiðju leiklistar í 9 og 10 bekk er unnið með trúða og búin til einföld atriði fyrir yngri börn. Þetta er þriðja árið hjá okkur þar sem við vinnum þessa smiðju.

Lesa meira

 

Fréttasafn


Tungumál



Útlit síðu: