Frelsi - Metnaður - Virðing - Jákvæðni - Vinátta

LEGO keppni - 30.01.2015 Fréttir

Í dag munu krakkarnir í 7. bekk ásamt kennurum og nokkrum foreldrum halda til höfuðborgarinnar til að taka þátt í hinni árlegu LEGO keppni sem haldin er nú í tíunda sinn. Eins og áður hefur komið fram í frétt á vef Grunnskólans er RUV að gera þátt um keppnina og var eitt liða Grunnskóla Hornafjarðar valið til að vera í forgrunni og tveimur liðsmönnum gerð sérstaklega góð skil. Lesa meira

Skákdagurinn - 27.01.2015 Fréttir

Mánudaginn 26. janúar var Skákdagurinn haldinn um allt land. . Skákdagurinn 2015 er tileinkaður Friðrik Ólafssyni, fyrsta stórmeistara Íslendinga og fyrverandi forseta Alþjóða skáksambandsins.  Hér í Grunnskóla Hornafjarðar vorum við að sjálfsögðu með í skákdeginum og nemendum í 4. – 10. bekk var gefinn kostur á að skrá sig til að tefla í fjöltefli við Guðmund Inga Sigbjörnsson. 

Lesa meira

Lestur og fjöltefli í Heppuskóla - 24.01.2015 Fréttir

Lestrarátakið heldur áfram í grunnskólanum og eru nemendur afar duglegir að lesa. Í Hafnarskóla safnast laufin á tréð og má segja að eftir fyrstu vikuna sé það orðið ansi grósku mikið.
Á mánudaginn er skákdagurinn en hann er tileinkaður Friðrik Ólafssyni, fyrsta stórmeistara Íslendinga og fv. forseta Alþjóða skáksambandsins. Af því tilefni verður fjöltefli í Heppuskóla sem hefst kl 10:30 og þar taka einnig nemendur úr 4. - 5. bekk þátt. Lesa meira

Þorra fagnað - 23.01.2015 Fréttir

Í dag buðu drengirnir í grunnskólanum þorrann velkominn með hefðbundnum hætti þ.e. með því að hlaupa hringinn í kringum skólann í annarri buxnaskálminni en stelpurnar horfðu á og hvöttu þá áfram. Eftir hlaupinn fór allur skólinn á sal og söng saman þorralög. Lesa meira

Lestrarátak í grunnskólanum - 22.01.2015 Fréttir

Mánudaginn 19. janúar hófst tveggja vikna lestrarátak í skólanum. Leiðin sem er farin er með ýmsu sniði eftir árgöngum en allir leggjast á eitt að lesa sem mest þennan tíma. Nemendur í 1. til 6. bekk vinna allir saman að því að laufga tré sem okkur áskotnaðis og ekki annað að sjá en að nemendur séu komnir vel af stað í lestrinum nú á þriðja degi átaksins. Börnin lesa heima og í skólanum, yngri börnin lesa upphátt og foreldrar kvitta fyrir heima.

Lesa meira

Kynning á Norðurlöndunum í 6. bekk - 18.01.2015 Fréttir

6. E hefur að undanförnu verið að læra um Norðurlöndin og eftir að hafa farið í gegnum námsefnið var nemendum skipt í hópa þar sem hver hópur fékk eitt af löndunum til að vinna með og gera kynningu um það. Að verki loknu buðu nemendur foreldrum, starfsfólki skólans og samnemendum á kynninguna.  Þar sem flensa hefur herjað á nemend hópinn vantaði nokkra í hópana en þeir sem voru mættir björguðu því hið snarasta.  Margir góðir gestir komu í heimsókn og skoðuðu afraksturinn og ef til vill hefur tekist að vekja áhuga einhverja á að heimsækja löndin síðar.  Lesa meira

Kveðja frá snjóenglum grunnskólans - 09.01.2015 Fréttir

Snjórinn er börnum oftast gleðiefni. Fyrir jól gafst nemendum grunnskólans gott tækifæri til að leika sér í snjónumm, m.a. að renna sér á Garðshólnum. Snjórinn hélst nokkra daga í röð og var það ánægjuefni fyrir marga. Nú á nýja árinu hefur smjóað aðeins aftur og hefur það gefið börnunum efnivið til myndlistarvinnu. Meðfylgjandi eru nokkrar myndir af snjóenglum og listamönnunum sem gerðu þá.

Lesa meira

 

Fréttasafn


Tungumál



Útlit síðu: