Frelsi - Metnaður - Virðing - Jákvæðni - Vinátta

Já það er fjör... - 29.05.2015 Fréttir

Nú er farið skólastarfið hjá Grunnskóla Hornafjarðar senn að ljúka og nemendur fá hið kærkomna sumarfrí sem vonandi verður hlýtt og gott. Ýmislegt hefur verið til gamans gert á síðustu dögum og nemendur verið að ljúka hinum ýmsu verkefnum með sýningum og leyft samnemendum að njóta afrakstursins. Í vikunni voru nemendur í Götuleikhússmiðju sem Magnhildur Gísladóttur sá um með sýningu utandyra í blíðskaparveðri þar sem sjá mátti eldspúandi nemendur og kennara við trumbuslátt og tónlist. Dansfjörhópurinn sem Eva Rán Ragnarsdóttir sér um lét sitt ekki eftir liggja og tók sporið við mikinn fögnuð nærstaddra.

Lesa meira

Vorstörfin í 6. bekk - 28.05.2015 Fréttir

Nú hafa krakkarnir í 6. bekk lokið vorstörfunum sínum en þau felast í því að gróðursetja í svæðið innan við Einarslund eða við Drápskletta og svo er farið og róið á bátum sjómannadagsráðs. Á hverju vori fer 6. bekkur og gróðursetur á þessu svæði og hefur það verið gert í mörg ár enda er orðið hægt að sjá að elstu tréin eru orðin all stór.  Róðurin er hluti af verkefninu  Hafið og er venjulega loka verkið í því. Lesa meira

Bakk vinningshafar - 28.05.2015 Fréttir

Þessir flottu nemendur í Grunnskóla Hornafjarðar unnu 2. verðlaun í keppni sem haldin var vegna frumsýningar kvikmyndarinnar BAKK. Keppnin gekk útá að búa til stuttmynd (30 sek) sem spilast afturábak. Nemendur í Smiðjum í upplýsingamennt hjá Sæmundi Helgasyni sendu inn 4 myndbönd. Vinningurinn var 10.000 kr gjafakort frá Landsbankanum og tveir miðar á sýninguna. Lesa meira

5. bekkur í Ingólfshöfða - 21.05.2015 Fréttir

Í vikunni fórum við í 5. bekk í skoðunarferð í Ingólfshöfða. Einar í Hofsnesi tók á móti okkur og keyrði okkur út í höfðann á vögnunum sem vöktu mikla athygli nemenda. Þar var sest niður og borðað nesti en á meðan fengum við fræðslu um sögu Ingólfshöfða. Næst var haldið upp á höfðann þar sem beið okkar mjög fallegt útsýni og mishressir skúmar sem voru nýbúnir að verpa. Einar hafði mjög fínan kíki meðferðis og þannig gátum við séð fuglana í mikilli nálægð. Þetta vakti að sjálfsögðu mikla lukku og kom það nemendum helst á óvart hversu lítill lundinn er í raun og veru. Eftir að hafa skoðað björgin komum við að sandöldunum, þeim stærstu norðan Sahara að sögn Einars. Lesa meira

Fiskidagur í 6. bekk - 15.05.2015 Fréttir

Nemendur í 6. bekk eru að vinna verkefni sem ber heitið Hafið og er samþætt samfélagsfræði og náttúrufræði. Krakkarnir eru búin að fara í heimsókn um borð í Ásgrím þar sem Ásgrímur, Ægir og Sævar tóku á móti þeim og fræddu þá um vinnuna um borð. Krakkarnir fóru líka í fiskvinnsluna hjá Skinney-Þinganesi og þar tóku Kristín og Bjarni Ólafur á móti þeim og sýndu þeim það sem fram fer þar. Borgþór Torfason sem er skipverji á Þóri sf kom með fisk í skólann, allskonar tegundir sem þeir hafa verið að fá í humartrollið. Lesa meira

Útskriftarferð - 15.05.2015 Fréttir

Við í 10.bekk Grunnskóla Hornafjarðar fórum í útskriftarferðina okkar síðastliðinn mánudag. Við byrjuðum á að fara í klettaklifur á Hnappavöllum með honum Einari. Þrátt fyrir pínu vind þá gekk allt eins og í sögu og allir skemmtu sér vel, þá aðallega þegar kennararnir sýndu sína einstöku takta. Þaðan var haldið í Skaftafell þar sem við hittum Jón og Védísi hjá Íslenskum Fjallaleiðsögumönnum. Þar fengum við lánaða brodda undir skóna og ísaxir til að nota á jöklinum. Við fórum á  2 rútum upp að Svínafellsjökli og gengum í 2 hópum upp á hann ásamt Jóni og Védísi.

Lesa meira

Vikuhátíð 5. bekkjar - 08.05.2015 Fréttir

Í dag hélt 5. E síðustu vikuhátíð vetrarins. Hátíðin var að venju haldin í Sindrabæ og þangað mættu nemendur á yngrastigi og foreldrar nemenda í 5. bekk.  Hátíðin var afar skemmtileg, byrjað var á spurningakeppni í anda útsvars þar sem keppendur þurftu bæði að svara spurningum og leika látbragðsleik. Boðið var upp á frumsamið leikrit sem Selma Ýr, Viktoria Teresa og Ethel María sömdu en það fjallaði um lífið í skóla nokkrum þar sem margt var í gangi og margar skemmtilegar persónur birtust. Aðalheiður Sól og Telma Rut voru kynnar hátíðarinnar. Lesa meira

Góðir gestir  - 08.05.2015 Fréttir

Eldra stig Grunnskóla Hornafjarðar fékk góða og skemmtilega heimsókn en þar voru á ferðinni Háskólalestin og Háskóli unga fólksins. Einn kennsludagur var lagður undir heimsóknina og boðið upp á 9 mismunandi námskeið og sótti hver nemandi þrjú. Óhætt er að segja að námskeiðin hafi verið fjölbreytt og spannað vítt svið og höfðu nemendur sem og starfsfólk hafa bæði gagn og gaman af. Boðið var upp á eðlisfræði þar sem fjallað var um undur ljóssins, efnafræði á tilraunastofu, forritun, japanska menningu, stjörnufræði, tómstunda- og félagsmálafræði, vindmyllusmíði, biophilia tónvísindasmiðju og vísindaheimspeki.

Lesa meira

Litla upplestrarkeppnin í 4.bekk - 07.05.2015 Fréttir

Á 15 ára afmæli Stóru upplestrarkeppninar fyrir 7. bekk í Hafnarfirði var ákveðið að fara af stað með verkefni  í anda þeirrar keppni og var ákveðið að kalla það Litlu upplestrarkeppnina.
Í haust komu hér kennarar frá skólaskrifstofu Hafnarfjarðar og voru með námskeið í upplestri og í framhaldi af því ákváðum við að fara af stað með þetta verkefni. Í dag þann 7. maí  var haldin fyrsta „Litla upplestrarkeppnin“ hér á Höfn. Keppnin var haldin í Nýheimum og 4. bekkur bauð foreldrum og ættingjum að koma ásamt því að 3. bekk var einnig boðið að koma að hlusta. 
Óhætt er að segja að þetta verkefni hafi  staðist væntingar okkar og tókst að öllu leiti vel. Lesa meira

 

Fréttasafn


Tungumál



Útlit síðu: