Ríki Vatnajökuls - Fréttir Grunnskóli

Viltu vera vinur minn á Facebook

Tue, 7 Feb 2012 10:49:00 +0000

Í gærkvöldi frumsýndi leikhópur Grunnskólans leikritið Viltu vera vinur minn á Facebook eftir Önnu Brynju Baldursdóttur í leikstjórn Kristínar Gestsdóttur. Leikritið er sýnt í Sindrabæ og er næsta sýning í kvöld þriðjudag kl. 20:00. Sýningin stendur í rúmar 30 mínútur og það kostar 500 kr inn á sýninguna.

Þorrablót

Tue, 7 Feb 2012 09:45:00 +0000

Þorrablót nemenda í 8. – 10. bekk var haldið í Sindrabæ fyrstu vikuna í febrúar. Það voru nemendur í 10. bekk sem sáu um skemmtiatriðin sem voru svo vægt sé til orða tekið „frábær“. Skemmtiatriðin fjölluðu að mestu um kennara og var greinilegt að hópurinn hafði lagt mikla vinnu í að gera þau sem best úr garði. Einnig var minni karla og kvenna flutt og var það gert með glæsibrag eins og allt annað hjá krökkunum þetta kvöld.

Annarskil í Grunnskóla Hornafjarðar

Tue, 31 Jan 2012 22:06:00 +0000

Nú er komið að annarskilum. Vetrarönn að ljúka og vorönn tekur við. Föstudaginn 3. febrúar er viðtalsdagur þar sem nemendur ásamt foreldrum mæta í viðtal við umsjónarkennara.

Dansinn dunar

Fri, 27 Jan 2012 11:37:00 +0000

Valhópur í freestyle sýndi afrakstur vinnu sinnar í síðust viku. Það voru þær Yrsa Ír Scheving, Birta Karlsdóttir, Katrín María Sigurðardóttir, Bryndís Arna Halldórsdóttir og Íris Björk Rabanes sem sýndu samnemendum sínum flotta og vel útfærða dansa. Það var auðheyrt að bæði nemendur og starfsfólk höfðu gaman af, enda uppskar hópurinn mikið lófaklapp í lokinn.

Foreldrar í hádegisheimsókn

Mon, 23 Jan 2012 22:12:00 +0000

Á föstudaginn var buðu nemendur fjórða bekkjar foreldrum sínum og ömmum í heimsókn í skólann. Tilefnið var lok verkefnisins um Móse og ferð hans með þjóð sína yfir eyðimörkina til fyrirheitna landsins. Undanfarnar vikur hafa nemendur unnið að verkefninu með þeim hætti að fyrst voru sögurnar um Móse lesnar, næst drógu nemendur myndir úr Biblíum upp á glærur sem var síðan varpað upp á stóran pappír á veggnum.

Bóndadagur í skólanum

Fri, 20 Jan 2012 19:47:00 +0000

Í Grunnskóla Hornafjarðar hefur lengi verið við lýði sá siður að drengirnir hlaupa hringinn í kringum skólann með annan fótinn í buxnaskálminni. Þetta þykir afar spennandi, sérstaklega á yngra stiginu en þeir eldri eru einnig duglegir að taka þátt. Stelpurnar taka þátt með því að hvetja strákana óspart áfram.

Handbolti í Heppuskóla

Thu, 19 Jan 2012 15:24:00 +0000

Á sama tíma og „strákarnir okkar“ keppa á EM halda nemendur í Heppuskóla handboltamót þar sem keppt er í tveim riðlum. Það er nemendafélagið sem stendur fyrir þessu móti sem haldið er í fyrstu frímínútum hvers dags.

Starfsdagur í skólanum

Wed, 11 Jan 2012 00:00:00 +0000

Föstudaginn 13. janúar er starfsdagur hjá starfsfólki skólans og því frí hjá nemendum.

Jólin koma

Tue, 20 Dec 2011 11:01:00 +0000

Í dag voru stofujól í Grunnskóla Hornafjarðar og að þeim loknum hófst jólafrí. Grunnskóli Hornafjarðar vill senda nemendum, foreldrum og starfsfólki innilegar óskir um gleðileg jól og farsælt komandi ár. Við þökkum samstarfið á árinu sem er að líða.

Lestrarátak og piparkökur í 3 bekk grunnskólans

Sat, 17 Dec 2011 00:00:00 +0000

Í byrjun desember ákváðu börnin í 3. HS að fara í lestrarátak. Átakið stóð í 2 vikur og á þeim tíma lásu börnin 245 bækur!

Skák

Fri, 16 Dec 2011 08:23:00 +0000

Eitt af því sem boðið hefur verið upp á í vali nemenda er skák. Sigurður Örn Hannesson hefur séð um að uppfræða krakkana um töfra skáklistarinnar og hver veit nema að skáksnillingar framtíðarinnar séu þarna á ferðinni. Tímabilinu lauk með skákmóti. Sigurvegari var Kristján Vilhelm Gunnarsson, í öðru sæti var Halldór Hrannar Brynjúlfsson og í því þriðja Hjörvar Ingi Hauksson.

Söngur og leikrit í Sindrabæ og spil og púsl í frímínútum

Thu, 15 Dec 2011 14:20:00 +0000

Í gær var sýning í Sindrabæ fyrir nemendur í 7. - 10. bekk. Það voru nokkrir samnemendur þeira sem sungu fyrir þá og sýndu leikrit.

Góðir gestir í heimsókn hjá okkur í Grunnskóla Hornafjarðar

Sat, 10 Dec 2011 10:00:00 +0000

Það er gaman að segja frá því að Sveinbjörg Zophoníasdóttir og Alex Freyr Hilmarsson heimsóttu krakkana í 5. - 10. bekk fimmtudaginn 8. des.

Allir á skauta

Fri, 9 Dec 2011 16:18:00 +0000

Undanfarið hefur verið hagstætt veður til að fara á skauta. Nemendur í grunnskólanum ásamt
kennurum sínum hafa verið dugleg við að sanna snilli sína á skautasvellinu og hafa margir bekkir lagt leið sína á svellið hjá „Hrossó“.

3. bekkur í smiðju

Fri, 2 Dec 2011 21:01:00 +0000

Tíminn er svo fljótur að líða og nú erum við hálfnuð í myndmennta- og heimilisfræðismiðjunum og rúmlega það. Börnin hafa staðið sig afskaplega vel og eru dugleg að vinna, vandvirk og taka vel eftir.
Í myndmenntinni erum við búin að ræða um myndbyggingu og mála mynd í kjölfarið, mála blöð og nota í klippimyndir, þar sem við skoðuðum formfræði vel og töluðum um formin. Við höfum verið að vinna pöddumyndir, puttastimpla og byrja á límþrykki.

Hljóðkerfi í skólann

Fri, 2 Dec 2011 14:59:00 +0000

Á dögunum færðu félagar í Lionsklúbbi Hornafjarðar ásamt foreldrafélagi skólans, skólanum að gjöf forláta hljóðkerfi ásamt hljóðnemum. Hljóðkerfið er nett og þægilegt að koma því upp þegar á þarf að halda. Við afhendinguna fluttu nemendur skólans nokkur lög við góðar undirtektir.

Spurningakeppni Grunnskóla

Fri, 2 Dec 2011 15:55:00 +0000

Þann 30.nóvember fóru 4 einstaklingar úr 10.bekk í til að taka þátt í Spurningarkeppni Grunnskólann en fjórðungskeppnin var haldin á Egilstöðum.

Rithöfundakynning í grunnskólanum

Fri, 2 Dec 2011 15:25:00 +0000

Rithöfundarnir Bryndís Björgvinsdóttir, Ari Trausti Guðmundsson og Arnþór Gunnarsson litu við í gær og heilsuðu upp á krakkana.

Skrímsli og furðuverur

Mon, 28 Nov 2011 16:19:00 +0000

Skrímsli hafa sést á ferðinni í myndmenntastofunni. Eitt skrímslið var klætt bláum kufli og var með rauð grimmdarleg augu.

Kaffihúsakvöld

Fri, 25 Nov 2011 09:08:00 +0000

Nemendur í 10. bekk héldu kaffihúsakvöld þar sem þau sýndu foreldrum sínum afrakstur vinnu sinnar um Lónsöræfaferðina sem farin var í lok september.

Vinabekkir

Thu, 24 Nov 2011 14:28:00 +0000

Í tilefni af vinavikunni hafa ákveðnir bekkir tengst sem vinabekkir. Í dag heimsóttu t.d. nemendur í 2. bekk vinabekk sinn sem er 7. bekkur. Krakkarnir föndruðu saman, þar sem þau eldri aðstoðuðu yngri krakkana, eða öfugt. Einnig var gripið í spil ásamt því að spjalla saman. Þessi heimsókn tókst í allastaði mjög vel og færði þessa tvo aldurshópa örugglega nær hvor öðrum.

Draumaskólinn minn

Tue, 22 Nov 2011 14:19:00 +0000

Þriðjudagurinn 22. nóvember hófst með óvenjulegu sniði í Grunnskóla Hornafjarðar því nýir bekkir (hópar) höfðu þá verið búnir til þvert á árganga. Unnu þessir hópar saman fram eftir morgni og var eitt af verkefnunum DRAUMASKÓLINN MINN. Verkefnið er hluti af vinnu í vinaviku í skólanum og er afraksturinn til sýnis á Menningarmiðstöðinni.

Vinavika í skólanum

Mon, 21 Nov 2011 11:37:00 +0000

Í morgun hófst vinavika í skólanum með því að nokkrir nemendur úr 10. bekk og nemendaráði settu hurðaspjöld á útidyr bæjarbúa með vinakveðjum frá nemendum skólans. .

Hátíð í boði 6. RE

Thu, 17 Nov 2011 23:54:00 +0000

Í dag sá 6. RE um vikuhátíð, það var að vonum mikið fjör. Kynnar hátíðarinnar voru Ýrena og Leli. Inga Sóley og Ylfa sungu lag og Hekla, Guðrún Ása og Tinna dönsuð slæðudans með. Bjarmi flutti brandara og Óliver og Aðalsteinn léku auglýsingabrandara. Elva, Dagbjört og Ýrena sögðu líka brandara. Tískusýningin var auðvita á sínum stað. Ýrena, Tinna, Díana og Dagbjört sungu eitt lag og svo stóðu Bjarmi og Aðalsteinn fyrir æsispennandi spurningakeppni.

Dagur íslenskrar tungu

Wed, 16 Nov 2011 23:45:00 +0000

Í dag var haldið upp á dag íslenskrar tungu í Grunnskólanum. Einn liður í því er smásagna og ljóða samkeppni sem Grunnskólinn og Menningarmiðstöðin standa að. Nemendur í 4. – 10. bekk semja ljóð eða sögu og dómnefnd velur úr nokkur verk sem nemendur síðan flytja í Nýheimum. .

Ugla í heimsókn í Hafnar- og Heppuskóla

Tue, 15 Nov 2011 00:00:00 +0000

Þeir Esjar og Sigbjörn sem eru í áhöfn Ásgríms Halldórssonar komu í heimsókn í Hafnar-og Heppuskóla með uglu sem þeir sýndu nemendum. Uglan vakt að vonum mikla athygli enda sjaldséðir slíkir gestir.

Vikuhátíð í boði 3.HS

Mon, 14 Nov 2011 00:27:00 +0000

Á föstudaginn var sá 3. bekkur um að halda vikuhátíð skólans. Hátíðin var að vanda haldin í Sindrabæ. Krakkarnir buðu upp á fjöruga og fjölbreytta dagskrá með dansi, söng, bröndurum að ógleymdri tískusýningu. Olivia og Kjartan sáu um að kynna dagskrána og gerðu það af stakri prýði. Við upphaf og lok hátíðarinnar fengu krakkarnir salinn með sér í fjöldasöng og er óhætt að segja að allir hafi tekið vel undir.

Beygjuboltamót

Fri, 11 Nov 2011 08:42:00 +0000

Í þessari viku hófst byrjaði beygjuboltamót (dodgeballmót) á milli bekkja í Heppuskóla. Keppnin fer fram í frímínútum og keppa tveir bekkir á dag þessa vikuna. Undanúrslit og úrslit verða síðan í næstu viku. Það er nemendafélag skólans sem stendur fyrir þessari keppni. Góð stemning var á fyrsta leik í morgun og greinilegt að bæði keppendur sem og áhorfendur skemmtu sér vel.

Að hafa kjark til að þora að vera jákvæður

Tue, 8 Nov 2011 20:30:00 +0000

Dagurinn 8. nóvember er tileinkaður baráttu gegn einelti og afleiðingum þess. Einelti er dauðans alvara og til að koma í veg fyrir það þarf umræðan að vera opin og jákvæð.

Vikuhátíð hjá 6 RV

Mon, 7 Nov 2011 23:59:00 +0000

Í liðinni viku hélt 6.RV vikuhátíð fyrir nemendur og starfsfólk í Hafnarskóla. Hátíðin var að venju haldin í Sindrabæ. Krakkarnir héldu úti afar skemmtilegri og fjölbreyttri dagskrá og má með sanni segja að þau hafi vakið stormandi lukku. Arndís og Svandís sáu um að kynna atriðin og fyrstar á svið voru Sigurborg og Guðný sem spiluðu tvö lög á klarinet fyrir áhorfendur.