Hornfirsk skata eins og hún gerist best

23.12.2009

 

Fyrir margan íslendinginn er skötuát á Þorláksmessu jafn heilagt og hangikjötið er á jólunum. Svo eru aðrir sem loka öllum gluggum og mega ekki heyra á skötuna minnst. Skötuelskendum til bjargar þá býður Hótel Höfn upp á skötu í hádeginu eins og undanfarin ár. Kokkarnir Óðinn Eymunds, Gísli Már og Dóri hafa staðið í ströngu við undirbúning og segja skötuna í ár vel kæsta og algert góðgæti. Allt hráefni sem notað er á hótelinu kemur héðan úr héraði. Allir skötuelskendur sem ekki geta borðað skötu heima  í dag geta farið upp á hótel og gætt sér á þessu lostæti og þeir sem ekki vilja skötuna geta farið á  pizzahlaðborðið í neðri salnum.