Hjaltalín, Snorri Helgason og Sigríður Thorlacius & Heiðurspiltar fagna útgáfum sínum um víðan völl
Tónleikaferð fram undan
Hjaltalín, Snorri Helgason og Sigríður Thorlacius & Heiðurspiltar munu á næstu dögum og vikum að halda í ærlegt fagnaðarferðlag til að kynna plötur sínar, sem allar koma út á þessu ári undir merkjum Borgarinnar - hljómplötuútgáfu.
Tónleikarnir á Höfn eru 22. nóvember í Pakkhúsinu. Hljómsveitin Hjaltalín hefur undanfarið aðallega verið iðið við tónleikahald á erlendri grundu en alls hefur sveitin leikið á um hundrað tónleikum síðastliðið ár. Tónleikar Hjaltalín hérlendis á árinu eru þó teljandi á fingrum annarrar handar, auk þess sem sveitin hefur aldrei farið í tónleikaferð um Ísland á við þessa. Þessi tónleikaferð ekki eingöngu kjörið tækifæri fyrir fólk á landsbyggðinni til að upplifa tónleika Hjaltalín heldur einnig langþráður draumur meðlima Hjaltalín til að sanna sig utan höfuðborgarsvæðisins og er tilhlökkunin mikil meðal hópsins. Með í för verða einnig Snorri Helgason og Sigríður Thorlacius sem tekur bandið sitt, Heiðurspilta, með á rúntinn. Snorri Helgason mun í vikunni senda frá sér sína fyrstu breiðskífu, I'm Gonna Put My Name on Your Door, en þar er Snorri einn á ferðinni með 11 popplög í blússkotnum og einföldum búningi. Frábærar lagasmíðar og einlægur og vandaður flutningur einkennir plötuna sem skilar sér svo um munar í tónleikaflutningi Snorra. Sigríður Thorlacius & Heiðurspiltar hafa undanfarið vakið heilmikla lukka hjá land og þjóð, eða allt frá útkomu plötunnar Á Ljúflingshól sem inniheldur lög Jóns Múla Árnasonar. Hér þarf ekki að fjölyrða um gæði Sigríðar sem söngkonu en óhætt er að fullyrða að rödd hennar nær hvergi að njóta sín eins vel og á tónleikum. Tónleikaferðin er unnin í samvinnu við Borgina - hljómplötuútgáfu og Rás 2 og styrkt af Kraumi.
