Málþing á vegum Þórbergsseturs, Háskólseturs Hornafjarðar og Ferðamáladeildar Háskólans á Hólum verður haldið í Þórbergssetri dagana 22. – 23. október næstkomandi.

Jón Pétur frá Dansskóla Jóns Péturs og Köru sækir okkur Hornfirðinga heim í næstu viku og býður okkur upp í dans. Jón Pétur er okkur vel þekktur og hefur síðastliðin 3 ár kennt okkur að tjútta og mun halda áfram þar sem síðast var frá horfið

Menningarmiðstöð Hornafjarðar, Listasafn, opnar sýningu á verkum Jóns Þorleifssonar frá Hólum laugardaginn 15. október klukkan 15:00. Sýningin mun standa til 30. desember. Listasafnið er opið alla virka daga frá klukkan 9 til 12 og 13 til 15:30 og er aðgangur að sýningunni ókeypis.

Safnahelgin verður haldin í fjórða skipti 4.-6. nóvember. Söfn, setur, veitingastaðir, kaffihús, listamenn, handverksfólk, allir sem hafa áhuga geta verið með.

Tryggvi Sigurðsson frá Fagurhólsmýri í Öræfum á fyrsta Vegg vetrarins. Tryggvi er fæddur þann 6. Október árið 1931. Hann byrjaði að mála undir leiðsögn í Dagvist eldri borgara á Hornafirði árið 2010 og á veggnum ber að líta hluta af málverkum hans.

Í kvöld heldur tónlistarmaðurinn Eyjólfur Kristjánsson „Eyfi“ tónleika í Hafnarkirkju og hefjast þeir kl.20. Tónleikarnir eru hluti af tónleikaferð Eyfa sem hann heldur af tilefni 50 ára afmælis síns, en hann mun halda 50 tónleika víðsvegar um Ísland.