Fundargerð Hafnarstjórnar 62

62. fundur

Fundur haldinn      í hafnarstjórn Hornafjarðarhafnar í fundarsal Ráðhúss miðvikudaginn 6. október   2004,  kl. 17:00.

Mætt voru:     Ari Jónsson formaður, Reynir Arnarson, Halldór Tjörvi Einarsson og Ásgeir Gunnarsson. Sömuleiðis starfsmenn, Albert Eymundsson, Ásta Haldóra Guðmundsdóttir, Helgi Már Pálsson og Sigfús Harðarson.   Axel Jónsson og hans varamaður boðuðu forföll

1.  Fundargerð síðasta fundar

Fundargerð síðasta fundar samþykkt

2. Átta mánaða staða á hafnarsjóði

Albert og Ásta kynntu stöðu bókhalds fyrstu átta mánuði ársins á hafnarsjóð. Fram kom að tekjuáætlun  virðist ætla að standast væntingar og eðlilegar skýringar eru á þeim gjaldaliðum sem eru umfram áætlun.  

3. Staða framkvæmda

Dæling á Grynnslunum er enn ekki hafin, en bilanir hafa verið á dæluskipinu.  

Vinnu við Krosseyjarþil er því sem næst lokið og lokaúttekt fór fram fyrr í dag. Óverulegar magnaukningar hafa orðið og viðbótarkostnaður hefur einnig orðið vegna  aukaverka. Endanlegt uppgjör hefur ekki farið fram en verður væntanlega lagt fram á næsta fundi.

Starfsmönnum hafnarinnar og tæknideildar hefur verið falið að fara í lokafrágang á upptökubraut. Þar urðu magnaukningar vegna fyllingar.

Dýpkun innan hafnar hefur gengið vel. Unnið er úr mælingum vegna þeirra.

Hafnarstjórn vill þakka verktaka við Krosseyjarþil fyrir ánægjuleg viðskipti.

4.  Hafnarreglugerð fyrir Hornafjarðarhöfn

Til kynningar. Verður formlega tekið fyrir á næsta fundi.

5.  Ósk um ábendingar og athugasemdir vegna endurskoðunar hafnalaga

Til kynningar. Rætt var m.a. um ákvæði 17.,  21., og  24 gr. og þær þarfnist endurskoðunar við.

6.  Hafnarsambandsþing 2004 – kosning fulltrúa

Bréf Hafnasambands sveitarfélaga 29. september 2004.

Samþykkt að Ari, til vara Axel, Vignir til vara Sigfús, Reynir, til vara Ásgeir og Albert, til vara Helgi Már, verði fulltrúar sveitarfélagsins.

7.  Til kynningar

Stöðumat varðandi skip og báta í óreiðu við hafnir og strendur landsins, bréf Umhverfisráðuneytis 28. september 2004.

Birting gjaldskrár, bréf Hafnasambands sveitarfélaga dags. 28. september 2004.

8.      Önnur mál

Albert kynnti bréf frá félagi smábátaeiganda um frágang á upptökubraut.

Rætt var um olíutank á Austurfjöru sem mun vera í eigu Salar ehf og samþykkt að farið væri fram á við eigendur að þeir fjarlægðu hann hið fyrsta.

Fleira ekki tekið fyrir og fundi slitið kl. 18.40