Fundargerð hafnarstjórnar 102

102. fundur

Fundur í hafnarstjórn Hornafjarðar haldinn í ráðhúsi, mánudaginn 14. apríl 2008 og hófst hann kl. 12.00

Fundinn sátu:

Ásgeir Gunnarsson, Halldór Tjörvi Einarsson, Páll Guðmundsson, Hjalti Þór Vignisson, Haukur Ingi Einarsson (HIE), Sigfús Harðarson, Sigurður Ægir Birgisson,

Fundargerð ritaði:  Hjalti Þór Vignisson, bæjarstjóri

1.                  200803043 - Förgun Hedda frænda

Haukur Ingi greindi frá tilboðum í förgun á Hedda frænda sem voru eftirfarandi:
Smedegaarden 950.000 DKR
Litla Horn 871.500 ISK
Rósaberg ehf 1.601.873 ISK
Papafjörður 2.736.000 ISK förgun á efni 750.000

Hafnarstjórn samþykkir að taka tilboð Litla Horns að upphæð 871.500.- Starfsmönnum falið að ganga frá samningum.

2.                  200804073 - Dýpkyn í Hornafjarðarhöfn

Hjalti gerði grein fyrir framvindu mála. Sagði hann að dýpkun gengi vel. Rætt var um hvort fyrirliggjandi áætlun um dýpkun tryggi nægjanlegt dýpi í höfninni. Rætt var um staðsetningu dælupramma í höfninni og þeirri hættu sem honum fylgir fyrir almenna skipaumferð. Greint var frá skeri sem er suður úr nyrðri hafnargarði.

Hafnarstjóra falið að ræða við Siglingastofnun um málið.

3.                  200804076 - Upptaka fyrir smábáta

Sigfús greindi frá framkvæmdum við upptöku fyrir smábáta. Umræður sköpuðust í kjölfarið um göngubrú meðfram upptökunni, starfsmönnum falið að koma upptökunni aftur upp.

4.                  200804074 - Mikligarður

Starfsmenn gerðu grein fyrir því að þremur leigjendum hafi varið sagt upp. Ástæðan hafi verið vangoldin leiga og einnig að brunahætta stafaði af starfseminni. Umræður sköpuðust um mismunandi starfsemi í Miklagarði. Starfsmönnum falið að koma með tillögur að þeirri starfsemi sem æskilegt er að starfrækja í Miklagarði. Einnig kom fram að fyrirhugað er að kynna verkefnið Hafnarvík Heppa þann 29. apríl nk. á opnum fundi í Nýheimum.

5.                  200804075 - Starfsmannamál

Hjalti gerði grein fyrir starfsmannamálum. Hafnarstjóra falið að fylgja eftir umræðum á fundinum.

6.                  200705114 - Önnur mál

Rætt um að mikilvægt sé að ganga frá svæðinu á milli Bátstangabryggju og netagerðar þannig að nætur skemmist ekki við flutning til og frá netagerð. Starfsmönnum falið að laga umrætt svæði í samvinnu við þá sem málið varðar.


Sigfús greindi frá því að kapall út á austurfjörur væri að verða ónýtur. Greindi hann frá mismunandi kostnaði við lagfæringar og endurbætur á kaplinum. Hafnarstjóra falið að kanna mismunandi leiðir að endurbótum.

Fleira ekki gert.  Fundi slitið kl.   13.40