Fundargerð hafnarstjórnar 112

112. fundur

Fundur í hafnarstjórnar Hornafjarðar haldinn í ráðhúsi, miðvikudaginn 25. febrúar 2009 og hófst hann kl. 12:00

Fundinn sátu:

Reynir Arnarson, Hjördís Þóra Sigurþórsdóttir, Hjalti Þór Vignisson, Valdemar Einarsson, Birgir Árnason, Haukur Ingi Einarsson (HIE), 

Fundargerð ritaði:  Hjalti Þór Vignisson, bæjarstjóri

Dagskrá:

1.      200804073 - Dýpkun í Hornafjarðarhöfn

Haukur Ingi fór yfir tillögur starfsmanna að lágmarks dýpkun í höfninni. Rætt um djúpristu skipa og nauðsyn þess að höfnin fylgi þeirri þróun sem er í útgerð á staðnum. Kom fram hjá nefndarmönnum að ekki sé nægjanlegt að dýpið sé 7,5 m eins og áætlun gerir ráð fyrir. Stærstu skip þurfi a.m.k. 8 metra. Hafnarstjórn samþykkir að leitað verði eftir samstarfi við Siglingastofnun um að auka dýpi í höfninni í allt að 9 metra á þeim svæðum sem stærstu skipin fara um. Einnig er mikilvægt að dýpka meira við Miklagarðsbryggju fyrir ný skip sem væntanleg eru innan skamms.
Framlögð áætlun frá hafnarstarfsmönnum samþykkt en starfsmönnun jafnframt falið að útbúa nýja áætlun um dýpkun í höfninni.

2.      200902009 - Endurskoðun á áhættumati og verndaráætlun auk gildistíma yfirlýs. um að höfn uppf. kröfur um siglingavernd

Vísað til starfsmanna.

3.      200804075 - Starfsmannamál hafnarinnar

Samþykkt að sækja um undanþágu vegna hafnsöguréttinda fyrir starfsmenn hafnarinnar þar til námskeið verður haldið.

4.      200705114 - Önnur mál

Haukur Ingi gerði grein fyrir umsókn Urtusteins um að setja upp ramp fyrir flutningabíla við húsæði flutningadeildar KASK í Álaugarey. Hafnarstjórn samþykkir umsókn Urtusteins.
Haukur Ingi fór yfir kort af aðalskipulagi sem gert var í kjölfar síðasta fundar hafnarstjórnar.
Reynir greindi frá samtali við lögfræðing sveitarfélagsins um björgun flutningaskipsins Axels. Sagði hann að ekki enn hafi borist bréf frá lögfræðingi tryggingarfélags Axels vegna krafna hafnarinnar um björgunarlaun.
Birgir ræddi um upptöku við smábáta og nauðsyn þess að gera plan hinum megin við Óslandsveginn. Birgi falið að gera áætlun um gerð og frágangi við planið.