Fundargerð skólanefndar 89

89. fundur

Fundur haldinn      í skólanefnd Hornafjarðar miðvikudaginn 24. janúar 2007 í ráðhúsi Hornafjarðar.

 Mætt voru:     Gunnar Sigurjónsson varaformaður, Torfi Friðfinnsson, Bryndís Hólmarsdóttir, Snæfríður Svavarsdóttir, Guðmundur H. Gunnarsson, Sigrún Kapitola Guðrúnardóttir, Þórgunnur Torfadóttir og Stefán Ólafsson.  

  Gengið var til dagskrár og eftirfarandi tekið fyrir:

 1. Fundargerð 88. fundar

Engar athugasemdir gerðar.

 2. Skólastefna sveitarfélagsins - framkvæmd

Þar sem nú liggur fyrir samþykkt skólastefna fyrir sveitarfélagið er komið að því að fylgja henni eftir í framkvæmd. Skólanefnd er því sammála að nefndin beri ábyrgð á eftirliti með framkvæmd stefnunnar. Nefndin felur starfsmanni sínum að hefja þá vinnu með skólastjórnendum við leik-, grunn- og tónskóla sveitarfélagsins. Nefndin leggur til að einu sinni á önn fari hún yfir stöðuna, hvernig framkvæmd stefnunnar gengur í skólum sveitarfélagsins, hvað hefur áunnist og hverju er ábótavant.

 3. Könnun Lýðheilsustöðvar, heilsa og lífskjör skólanema í 6., 8. og 10 bekk grunnskóla

Þórgunnur fór yfir helstu niðurstöður könnunarinnar sem framkvæmd var á fyrrihluta ársins 2006. Könnunin tekur á eftirfarandi þáttum: Matarvenjum, hvernig líðan svarenda er, notkun á tölvum og sjónvarpi, einelti, hreyfingu, reykingum, áfengis- og fíkniefnaneyslu (aðeins í 10. bekk). Miðað við landsmeðaltal mælast hornfirskir nemendur að mestu með svipuðum hætti og jafnaldrar þeirra á landinu í heild, eru í einhverjum tilfellum aðeins undir landsmeðaltali og öðrum aðeins yfir. Spunnust nokkrar umræður um niðurstöður könnunarinnar, hvaða lærdóm við getum dregið af könnunum sem þessum o.fl. atriði.  

 4. Námskeið fyrir skólanefndir

Skólanefnd samþykkir að fara á námskeið fyrir skólanefndir sem auglýst hefur verið í Vík í Mýrdal þann 26. febrúar 2007.  

 5. Verklagsreglur um tilkynningarskyldu starfsmanna í leik-, grunn-  og framhaldsskóla til barnaverndarnefnda.

Verklagsreglur þessar eru afrakstur vinnu samráðshóps sem í sátu fulltrúar frá menntamálaráðuneyti, Sambandi íslenskra sveitarfélaga, Barnavernd Reykjavíkur og Barnaverndarstofu. Félagsmálaráð Hornafjarðar hefur samþykkt að taka þessar reglur upp og koma þær í stað eldri reglna. Skólanefnd fagnar að verklagsreglur þessar séu komnar til framkvæmda.

  6. Breytingar á lögum um grunnskóla, bréf menntamálaráðuneytis

Þann 1. janúar töku gildi lög nr. 98/2006, sem samþykkt voru á Alþingi vorið 2006, um breytingu á lögum nr. 66/1995, með síðari breytingum. Meðal breytinga frá eldri lögum eru atriði sem snúa að einkareknum grunnskólum, fellt niður ákvæði um að meðallengd kennslustunda skuli vera 40 mín. en jafnframt eru ákvæði um lágmarks vikulegan kennslutíma í mínútum, víðtækari heimildir til mats á námi utan grunnskóla til valgreina, skerpt er á lögbundnum umsagnarrétti foreldraráða, að við hvern grunnskóla skuli starfa nemendaráð, atriði sem snúa að námsumhverfi nemenda, öryggi og vellíðan í skólastarfi og skýrari málsmeðferðarreglur.  

  7. Önnur mál

• Tilkynning um samræmd próf 2007 í 4. og 7. bekk, 18. október í íslensku og 19. október í stærðfræði.
• Nýr almennur hluti aðalnámskrár grunnskóla var gefinn út með auglýsingu 20. desember 2006 og tekur gildi 1. ágúst 2007. Greinahlutar aðalnámskrár verða síðan gefnir út hver af öðrum í endurskoðaðri útgáfu aðalnámskrár grunnskóla á árinu 2007.
• Kynnt bréf menntamálaráðuneytisins um lýsingu í skólum og bent á bæklinginn ?Góð lýsing í skólum?.
• Dagsetningar samræmdra prófa í 10. bekk vorið 2008. Prófað verður í þessari röð í íslensku, náttúrufræði, samfélagsgreinum, dönsku, stærðfræði og ensku frá og með 30. apríl til og með 9. maí.
• Kynnt bréf menntamálráðuneytisins þar sem boðað er til kynningarfundar þann 25. janúar nk. Kynntar verða niðurstöður úr rannsókninni ?Ungt fólk 2006?.  Þórgunni fannst mikilvægt að kynningar sem þessar verði sendar út á netinu.

Fundi slitið kl. 17:05