Fundargerð skólanefndar 109

109. fundur

Fundur haldinn      í skólanefnd Hornafjarðar miðvikudaginn 26. nóvember 2008 kl. 16:10 í ráðhúsi Hornafjarðar.  

 Mætt voru:     Guðrún Jónsdóttir formaður, Gunnar Sigurjónsson, Sigríður Kristinsdóttir, Anna María Ríkharðsdóttir, Haukur Þorvaldsson, Þorvaldur J. Viktorsson, Sædís Guðmundsdóttir og Stefán Ólafsson.         

 Gengið var til dagskrár og eftirfarandi tekið fyrir:

1.      Fundargerð 108. fundar

Engar athugasemdir gerðar.

 2.      Reglur um íþrótta- og tómstundakort, framhald frá síðasta fundi

Farið yfir 2. drög að reglugerð, dags. 30. okt. 2008. Anna María lagði til að síðasti liðurinn í  kaflanum „Reglur um notkun styrkja” verði felldur út: „Þegar foreldri eða forráðamaður  hefur ráðstafað styrk til félags á grundvelli íþrótta- og tómstundakorts er ekki hægt að endurgreiða eða bakfæra greiðslur.” Var þetta samþykkt af nefndinni. Einnig samþykkt að fella út úr fyrsta kafla reglnanna allt frá „og skal greiðslu tvískipt  ..... 31. desember.” Einnig var gerð athugasemd við fyrstu grein í „Sérstök samstarfsverkefni” Samþykkt að fella þann kafla út. Drög að reglum um íþrótta- og tómstundakort samþykkt með áorðnum breytingum.

(Haukur vék af fundi eftir þennan dagskrárlið.)

 3.      Fundargerðir starfshóps – breytingar á Grunnskóla Hornafjarðar

Farið yfir fundargerðir nr. 5 - 9.

 4.      Stjórnunarfyrirkomulag í Grunnskóla Hornafjarða

Guðrún lýsti eftir hvort einhver teldi sig vanhæfan til að sitja fundinn undir þessum lið.

Þorvaldur bað um orðið og sagðist ekki mundu sitja fundinn undir þessum lið. Hann vildi þó hvetja nefndina til að vanda vel til verka, ræða við fólk bæði stjórnendur og starfsfólk og vék af fundi eftir þessi orð sín.

Guðrún dreifði eftirfarandi bókun:

Við Grunnskóla Hornafjarðar starfar ein skólastjórn í dag skv. ákvörðun bæjarstjórnar á fundi hennar 3. janúar 2007. Ákveðið var að skólastjórar Nesja, - Hafnar – og Heppuskóla mynduðu skólastjórnina. Ákvörðunin byggði á vinnu stýrihóps um skólastefnu. Það er mat skólanefndar að sameining skólanna þriggja hafi í öllum meginatriðum gengið vel. Ástæða þess að vel hefur tekist til, er m.a. sú að einn skólastjóri er staðsettur á hverri starfsstöð Grunnskóla Hornafjarðar með skýrt umboð til að stýra daglegum rekstri.

Vegna fyrirhugaðs flutnings alls skólahalds Grunnskóla Hornafjarðar á Höfn skólaárið 2009 – 2010 leggur skólanefnd til að áfram verði unnið eftir því skipulagi sem ákveðið var 3. janúar 2007, þ.e. að einn skólastjóri verði starfandi við hvora starfsstöð. Auk þess leggur skólanefnd til að skólastjórninni verði veitt heimild fyrir einni stöðu deildarstjóra við skólann.

Ef þessar tillögur ganga eftir er ljóst að stöðugildum stjórnenda við Grunnskóla Hornafjarðar fækkar um tvo.

Skólanefnd leggur áherslu á að samið verði við skólastjórnina um breytingarnar en ef sú leið gengur ekki gæti reynst nauðsynlegt að grípa til annarra ráðstafana.

Sigríður sagði þetta vera algjört klúður hjá meirihlutanum miðað við fyrri samþykktir hans þegar núverandi kerfi var komið á með Grunnskóla Hornafjarðar. Sagðist ekki skilja að það þyrfti að breyta stjórn skólans þó að starfsstöðvum fækki með flutningi úr Nesjum. Sædís taldi starfsmenn almennt vera sátta við að vera með þrjá skólastjóra eins og þeir starfa í dag.

Bókun Guðrúnar borin undir atkvæði og hún samþykkt með þremur greiddum atkvæðum, einn sat hjá.

Sigríður sagði að ef menn telja að fækka megi skólastjórum með breytingum á skólahaldi verði fækkað í einn skólastjóra með einum aðstoðarskólastjóra. Einnig megi fækka deildarstjórum um einn þannig að áfram starfi deildarstjóri sérkennslu.

 5.      Önnur mál                      

Sigríður gerði tillögu um að á útmánuðum verði kynntir möguleikar í fjarnámi í ýmsum faggreinum í samráði við Þekkingarnet Austurlands. Þannig verði reynt að laða okkar fólk í nám eins og Sigríður sagði. Einnig vildi hún að Afl starfsgreinafélag verði með í þessari kynningu. Var undir þetta tekið af nefndarmönnum.

Fundi slitið kl. 18:20