Fundargerð Umhverfisnefndar 40

40. fundur

Fundur haldinn Í Umhverfisnefnd Hornafjarðar í Ráðhúsinu miðvikudaginn 12. desember 2003 kl. 17:10 í Ráðhúsi Hornafjarðar.

Mætt voru: Egill Jónasson formaður, Rannveig Einarsdóttir, Björn Arnarsson, Þóra V Jónsdóttir, Björk Pálsdóttir, og starfsmenn nefndarinnar Valur Sveinsson og Helgi Már Pálsson.


1. Fjárhagsáætlun 2004
Kynntur var rammi fyrir opin svæði og Staðardagskrá 21, en þeir er óbreyttur frá árinu 2003.
Nefndin telur mikilvægt að til stofnkostnaðar verði veittar að lágmarki 500 þkr til að klára ófrágengin svæði í sveitarfélaginu og varhugavert sé að vélarvinna eða aðrir liðir fylgi ekki almennri verðlagsþróun.

2. Eyðing refa og minka
Formaður ræddi um eyðingu á refum og minkum og bar upp eftirfarandi tillögu ; Umhverfisnefnd beinir því til bæjarstjórnar að við eyðingu refa og minka að meiri áhersla verði lögð á eyðingu minka. Rök sem mæla með því eru áhersla sem Umhverfisráðuneytið leggur á eyðingu minka. Æskilegt væri að því tilefni að stofnstærð minka og refa væri könnuð í sveitarfélaginu.
Minkurinn er nýr í náttúru landsins og veldur þess vegna meiri skaða en refurinn sem er búinn að vera hér í 10.000 ár og umhverfið hefur aðlagast honum.
Nefndin samþykkti tillöguna.
Undir þessum lið var kynnt bréf, dags. 4. desember s.l. frá Umhverfisstofnun, vegna skerðingar á endurgreiðslu vegna refaveiða úr 50 % í 30 %

3. Önnur mál
Kynnt var bréf frá Vegagerðinni, dags. 10. desember 2003 vegna fyrirhugaðs grjótnáms í sveitarfélaginu og breytingum á grjótnámi vegna varnargarða við Jökulsá í Lóni. Fyrirhugað er að í stað klapparholts neðan við Brekku verði farið í eldri opna námu við Hlíðará vegna varnargarðsins og annara viðhaldsverka í Lóni. Einnig verði þessi náma og ný náma við Skyndidalsá færðar inn á endurskoðað aðalskipulag sem grjótnámur í Lóni. Í Suðursveit verði á sama hátt gert ráð fyrir grjótnámi austan við Steinavötn og í Öræfum við Virkisá. Vegagerðin bendir á að fyrirhugað er að kanna möguleika á grjót og malarnámi vegna vegstæðis yfir Hornafjarðarfljót og óskað eftir samráði við endurskoðun á aðalskipulagi vegna efnistökustaða.
Nefndin fagnar þessari vinnu Vegagerðarinnar.

Björk spurðist fyrir um hrossabeit í Óslandinu. Valur sagði að hrossaeigendur hefðu verið búnir að gera rástafanir vegna beitarmála og því hafi ekki orðið að þessu nú.

Þóra vildi beina því til bæjarráðs að íbúum í dreifbýli verði gefinn kostur á að losa sig við fernur, dekk og járn á sama hátt og gert er í þéttbýlinu. Björk vill taka fram að staðsetning á söfnunargámum fyrir fernur verði gerðir sýnilegri.

Fundi slitið kl. 19:10


Egill Jónasson
Þóra V Jónsdóttir
Björk Pálsdóttir
Rannveig Einarsdóttir
Björn Arnarsson

Helgi Már Pálsson
Valur Sveinsson