Fundargerð atvinnumálanefndar 58

58. fundur

Fundur í atvinnumálanefnd Hornafjarðar haldinn í ráðhúsi,mánudaginn 19. apríl 2010 og hófst hann kl. 16:00

 Fundinn sátu:

Ásgrímur Ingólfsson, Gauti Árnason, Gunnar Ingi Valgeirsson, Stephen Róbert Johnson, Hjalti Þór Vignisson,  

Fundargerð ritaði:  Hjalti Þór Vignisson, bæjarstjóri.

Dagskrá:

1.      200912019 - Staða á atvinnumarkaði

Kom fram að alls eru 43 á atvinnuleysiskrá. Kom fram að tugir fólks fái vinnu núna í sumar í fiskvinnslu, landbúnaði og ferðaþjónustu.

2.      200705034 - Samþykkt um búfjárhald í sveitarfélaginu Hornafirði

Lagt fram bréf dags. 14. apríl 2010 frá sjávarútvegs- og landbúnaðaráðuneytinu um athugasemdir um breytingar að samþykkt um búfjárhald sem sent var frá sveitarfélaginu í mars 2010. Atvinnumálanefnd sammála um að athugasemdir frá ráðuneytinu séu ekki stórvægilegar og leggur til að tekið verði tillit til þeirra, samþykktinni breytt í samræmi við þær og lagðar fram á fundi bæjarstjórnar í maí.

3.      200804057 - Atvinnu- og rannsóknarsjóður

Farið yfir stöðu verkefna í atvinnu- og rannsóknasjóð sem úthlutað var á árinu 2009. Rætt um að koma kynningu á netið.

4.      201004032 - Heimafóðurverkefni

Ásgrímur fór yfir umsóknin um styrk í heimafóðurverkefnið. Hann rifjaði einnig upp að atvinnumálanefnd hafi úthlutað fjármunum úr atvinnu- og rannsóknasjóði í verkefni tengt kornþurkun. Nefndin sammála um að úthluta ekki til heimafóðurverkefnis að sinni.

5.      200705114 - Önnur mál

Rætt um eldgosið í Eyjafjallajökli og heilbrigði búfjár. Kom fram að almannavarnarnefnd hefur farið yfir málið og fylgist með framvindu gossins og mögulegs öskufalls.