Fundargerð Byggingar- og skipulagsnefndar 47

47. fundur

Fundur haldinn í byggingar- og skipulagsnefnd Hornafjarðar, fimmtudaginn 9. október, 2003, kl. 17:00 í ráðhúsi Hornafjarðar.

Mættir voru: Ólafur Sigurðsson, Haukur Sveinbjörnsson, Magnús Jónasson, Torfi Friðfinnsson, Steinþór Hafsteinsson slökkviliðsstjóri, Helgi Már Pálsson tækni- og umhverfissviði og Hákon Valdimarsson byggingarfulltrúi, .

Gengið var til dagskrár og eftirfarandi tekið fyrir:

1. Kirkjubraut 9, íbúðarhús úr timbri.
Sótt er, í bréfi dags. 22.09.2003. um leyfi til að byggja einbýlishús á tveimur hæðum, ásamt bílgeymslu, úr timbri á lóð nr. 9, við Kirkjubraut, samkv. teikningum Gunnlaugs Jónassonar, arkitekts. Nr. teikn. 0303 01-03. dags. 16.09.2003.
Umsækjandi er Björn Ingi Jónsson, Svalbarði 1.
Erindið samþykkt.

2. Aðalskipulag Sveitarfél. Hornafarðar. Breyting
Sótt er, í bréfi dags. 18.09.2003, um breytingu á aðalskipulagi Sveitarfélagsins Hornafjarðar, sem felst í því, að svæði framan þjóðvegar nr. 1, við Skaftafell 2 í Öræfum / Freysnes, yrði ,,frístundabyggð,, í stað ,,landbúnaðarsvæðis,, og að ,,opið svæði til sérstakra nota,, verði stækkað, samkv. framlögðu korti, gerðu af Ullu R. Pedersen, landslagsarkitekt, í mkv. 1:5000, dags. 17.09.2003. Verk. 2101.
Umsækjandi er Ulla R. Pedersen, f.h.landeigenda.
Erindið samþykkt.

3. Hvammur í Lóni. Nytjaskógrækt.
Sótt er, í bréfi dags. 17.09.2003, um leyfi til nytjaskógræktar í landi Hvamms í Lóni,framan þjóðv. nr. 1, á milli Laxár og Gjádalsár. Með umsókn fylgir umsögn Suðurlandsskóga.
Umsækjandi er Unnsteinn Steindórsson, Hvammi.
Erindið samþykkt.

4. Stafafellsfjöll Lóð nr. 30 Breyting sumarbúst.
Sótt er, í bréfi dags. 06.10.2003. um leyfi til að stækka sumarbústað á lóð nr. 30, í Stafafellsfjöllum 18,8 ferm. samkv. teikn. frá Teikni-Horni ehf, gerðri af Vali Sveinssyni, byggingarfr. Verknr. L 1-50, dags. 22.09.2003.
Umsækjandi er Valur Sveinsson, f.h. Finns Jónssonar, Vesturbraut 19.
Erindið samþykkt.

5. Kynning nokkurra ,,smærri mála,, sem afgreidd hafa verið frá síðasta fundi.

1. 08.09.203. Guðrúnu Guðmundsdóttur og Magnúsi Guðjónssyni, Hólmi, Mýrum, heimilað að stækka áður samþykkt svæði fyrir nytjaskógrækt í landi Hólms, um 9,0 ha. sbr. umsókn 08.08.2003.
Engar athugasemdir
2. 03.10.2003. Philip Maguire (tónlistarkennara) heimilað að setja upp gerfihnattadisk á svölum efstu hæðar Silfurbrautar 2 (íbúð 03-01) Stærð disks er 0,8 m að þvermáli.
Engar athugasemdir

6. Önnur mál.

Hákon kynnti nýjar teikningar af Olís við Hafnarbraut, dags. 15.08 s.l. Um er að ræða smávægilegar breytingar sem ekki hafa nein áhrif á fyrri afgreiðslu málsins.
Teikningar samþykktar.

Hákon kynnti umsóknir um leyfi fyrir smáhýsum á sumarbústaðarlóðum nr. 21 og 31b í Lóni. Um er að ræða 15 fermetra hús.
Ekki er hægt að samþykkja þessi erindi fyrr en fullnaðarteikningar berast ( sjá bréf byggingarfulltrúa dags. 12.sept. s.l. ).

Hákon gerði grein fyrir framkvæmdum Olíufélagsins ehf í Álaugarey.

Hákon gerði grein fyrir framvindu á stækkun skógræktarsvæðis við Lindarbakka í Nesjum ( erindi frá 15. maí s.l. fundur 44. ), vegna hugsanlegrar tilkynningarskildu sbr. lög nr. 106/2000. Borist hefur umsögn frá Skipulagsstofnun þar sem umsækjanda ber að tilkynna framkvæmdina til Skipulagsstofnunar, sbr. fyrrnefnd lög.
Samþykkt var að óska eftir því við bæjarráð að haldinn verði fundur þar sem aðilar frá Landgræðslunni, Suðurlandsskógum og Skipulagsstofnun o.fl. væru fengnir til að meta hvort ekki sé tímabært að mörkuð verði stefna í skógræktarmálum sveitarfélagsins.


Fleira ekki gert og fundi slitið kl. 18:50

Ólafur Sigurðsson
Torfi Friðfinnsson
Steinþór Hafsteinsson
Haukur Sveinbjörnsson
Magnús Jónasson

Helgi Már Pálsson
Hákon Valdimarsson