Fundargerð Bæjarráðs 268

268. fundur

Fundur haldinn í bæjarráði Hornafjarðar í fundarsal Ráðhúss, fimmtudaginn 21. október 2004, kl. 10:00.

Mætt voru: Elín Magnúsdóttir, Halldóra B. Jónsdóttir og Björk Pálsdóttir. Áheyrnarfulltrúi var Kristín Gestsdóttir.

Einnig:  Albert Eymundsson, Hjalti Þór Vignisson, Ásta H. Guðmundsdóttir, Stefán Ólafsson og Helgi Már Pálsson.

Gengið var til dagskrár og eftirfarandi tekið fyrir:

1.   Fundargerðir

·  Bygginga- og skipulagsnefnd 55. fundur 14. október 2004.

Fundargerð samþykkt.

·  Félagsmálaráð Hornafjarðar 116. fundur 12. október 2004.

Fundargerð samþykkt.

2.   Ósk um niðurfellingu eða gjaldfrest á fasteignagjöldum

·  Bréf Pálma Guðmundssonar f.h. Hvata ehf. dags. 8. október 2004.

(Elín Magnúsdóttir vék af fundi undir þessum lið).  Bæjarstjóri kynnti erindið.  Bæjarráð felur starfsmönnum að leita frekari upplýsinga um rekstur og afkomu Hvata og Norðuríss og hvað sveitarfélagið hafi nú þegar lagt til þessara félaga áður en erindið er afgreitt.

Afgreiðslu frestað til næsta fundar. 

3.   Ósk um lagfæringu á olíumöl

·  Bréf íbúa Fákaleiru 8a og 8b dags. 30. september 2004.

Helgi Már upplýsti að verkfræðistofa hafi tekið að sér að greina sýni af olíumöl sem lögð hefur verið í sveitarfélaginu á síðustu misserum.  Bæjarráð felur starfsmönnum að vinna að málinu og bæta viðkomandi aðilum hugsanlegt tjón.

4.   Opnun tilboða vegna frágangs yfirborðs Hafnarbrautar

Helgi Már upplýsti að tveir aðilar hafi boðið í verkið.  Bæði tilboðin voru yfir kostnaðaráætlun.  Bæjarráð samþykkir að gengið verði til samninga við Blómaland ehf. sem átti lægsta tilboð í verkið.

5.   Reglur Félagsmálaráðs Hornafjarðar (frestað á síðasta fundi)

·  Verklagsreglur  barnaverndarnefndar Hornafjarðar um könnun og meðferð mála sem undir hana heyra og  umboð starfsmanns.

·  Reglur um könnun og meðferð einstakra barnaverndarmála eða málaflokka hjá starfsmanni félagsmálaráðs Hornafjarðar.

·  Reglur um styrk til greiðslu lögmannskostnaðar sbr. 2.gr. barnaverndarlaga nr. 80/2002.

Félagsmálastjóri mætti á fundinn og kynnti reglurnar.

Kristín spurðist fyrir um 7. grein í III. kafla um málsmeðferð starfsmanns í reglum um könnun og meðferð einstakra barnaverndarmála eða málaflokka hjá starfsmanni félagsmálaráðs Hornafjarðar.  Félagsmálastjóri svaraði að starfsmaður stofnunar, t.d. skóla og hjúkrunarheimilis, gæti ekki notið nafnleyndar þegar hann tilkynnir um brot á barnaverndarlögum.

Elín spurðist fyrir um reglur um styrk til lögfræðikostnaðar.  Félagsmálastjóri svaraði að þegar barnaverndarnefnd hefur ákveðið beita þvingunum í samræmi barnaverndarlög að þá taki þetta ákvæði gildi.

Bæjarráð samþykkir að vísa reglunum til bæjarstjórnar.

6.   Innsend erindi og til kynningar

·  Bréf Félagsmálaráðuneytisins um hækkun hámarkslána íbúðalánsjóðs, dags. 8. október 2004.

Bæjarráð fagnar því að almennar lánaheimildir hækki í 90% af kaupverði og að sveitarfélög þurfi hvorki að greiða ábyrgðargjald vegna viðbótarlána né hafa umsýslu með lánveitingum til einstaklinga.

·  Bréf Björns Baldurssonar um vinnumarkaðsaðgerðir, dags. 14. október 2004.

Til kynningar.

·  Bréf samgönguráðuneytisins vegna erindis bæjarstjóra til ráðuneytisins, dags. 12. október 2004.

Til kynningar.

7.   Önnur mál

·  Félagsmálastjóri ræddi um sérbýli fyrir fatlaða.  Hann kynnti bréf frá Þroskahjálp dags. 5. október.  Stefán ræddi um vaxandi þörf fyrir slíkt sérbýli og hugmynd starfsmanna fræðslu- og félagssviðs um staðsetningu þess.  Bæjarráð felur starfsmönnum fræðslu- og félagssviðs að vinna að málinu og óska eftir viðræðum við Þroskahjálp um fjármögnun í þetta verkefni.

·  Stefán gerði grein fyrir viðræðum við félagsmálaráðuneytið vegna greiðslna til málefna fatlaðra.

·  Drög að reglugerð um Skaftafellsþjóðgarð frá 19. október 2004 kynnt.  Bæjarráð fellst ekki á þá tillögu að ráðgjafanefndin stækki úr fimm fulltrúum í sjö, sbr. fyrri drög að reglugerð um Skaftafellsþjóðgarð.  Bæjarráð telur að slík nefnd verði þung í vöfum og sé afturför að því markmiði að auka áhrif heimamanna á stjórn þjóðgarðsins.  Bæjarráð leggur til að á eftir ,,...ráðningu þjóðgarðsvarðar“ í 2. grein bætist við ,,og yfirmanna starfstöðva“.  Bæjarráð telur nauðsynlegt að fram komi í reglugerðinni að fundargerð skuli haldin á fundum ráðgjafanefndarinnar og hún send til viðkomandi aðila til kynningar.  Bæjarráð fer fram á að þjóðgarðsvörður hafi búsetu í Skaftafelli eða Öræfasveit en ekki aðsetur eins og fram kemur í drögum að reglugerðinni.  Bæjarráð leggur til að við 6. gr. bætist eftirfarandi setning aftan við: ,,Þjóðgarðsvörður skal kynna slíkar ákvarðanir á fundum ráðgjafanefndarinnar.“  Bæjarráð leggur til að síðasta setning í 15. gr. breytist þannig: ,,Tjaldvagna, húsbíla og hjólhýsi skal hafa á þar til ætluðum svæðum.“  Bæjarráð lítur á reglugerðina til bráðabirgða og leggur áherslu á að endurskoðun á lögum um náttúruvernd fari fram samhliða stækkun þjóðgarðsins niður á láglendið.  Bæjarráð leggur áherslu að við þá endurskoðun verði áhrif heimamanna á stjórn þjóðgarðsins aukin sem tryggi skilvirka stjórn þjóðgarðsins.  Bæjarráð kallar eftir upplýsingum um hvaða fylgiskjöl fylgi með reglugerðinni

·  Stefán kynnti drög að samningi við verktaka um greiðslur fyrir skólaakstur á meðan verkfalli grunnskólakennara stendur. Bæjarráð felur Stefáni að ganga til samninga við verktaka á grundvelli framlagðra gagna, drög, 21. okt. 04.

Fundi slitið kl. 12:45