Fundargerð bæjarráðs 509

509. fundur

Fundur haldinn í bæjarráði Hornafjarðar í ráðhúsi mánudaginn 16. ágúst 2010 kl. 16:00.

Mætt voru: Reynir Arnarson formaður, Ásgerður K. Gylfadóttir, Björn Ingi Jónsson og Árni Rúnar Þorvaldsson sem áheyrnarfulltrúi. Einnig, Stefán Ólafsson framkvstj. fræðslu- og félagssviðs og Haukur Ingi Einarsson framkvstj. tækni- og umhverfissviðs.

1.      Fundargerðir

·         Fundargerð 21. fundar svæðisráðs suðursvæðis Vatnajökulsþjóðgarðs 9. ágúst 2010.

Unnið er að lokafrágangi verndaráætlunar og var fundur svæðisráðsins liður í að ræða álitamál sem komið hafa upp á svæði sem tilheyrir Sveitarfélaginu Hornafirði.  Björn Ingi vakti athygli á ummerkjum vélknúinna ökutækja á landi sem liggja út frá veglóðum inn dali og upp á heiðar.  Einnig var bent á sambærileg dæmi um utanvegaakstur slíkra tækja innan bæjarmarka Hafnar.

2.      Rekstur kaffiteríu í Nýheimum – útboðs- og verklýsing

Bæjarráð samþykkir fyrir sitt leiti að bjóða rekstur kaffiteríu í Nýheimum út með þeim breytingum sem fram komu á fundinum.  Bæjarráð felur starfmönnum að vinna að málinu með forstöðumönnum Nýheima.  Bæjarráð leggur áherslu á að eldhúsið í Nýheimum verði ekki notað til framleiðslu og sölu veitinga út úr húsinu.  Bæjarráði óskar eftir að fá útboðslýsingu senda í tölvupósti til staðfestingar áður en útboðið fer fram.  Bæjarráð leggur til að útboðið verði á forræði bæjarstjóra f.h bæjarráðs.

3.      Ósk um gerð lóðarleigusamnings vegna ræktunarlands nr. 160068

Bæjarráð vísar málinu til umfjöllunar í umhverfis- og skipulagsnefnd.

4.      Leiksvæði á Hornafirði – viðhald og umhirða

Steinunn Hödd Harðardóttir, yfirmaður Vinnuskólans, tók saman greinargerð um leiksvæði í öllu sveitarfélaginu.  Borin var fram tillaga um að fjarlægja sandkassa á opnum leiksvæðum sveitarfélagsins og í staðinn að bæta við öðrum leiktækjum, einnig var lögð áhersla á að viðhaldsáætlun nái yfir öll leiksvæði í Sveitarfélaginu Hornafirði.  Starfmönnum falið að vinna áfram að viðhaldsáætlun.  Bæjarráð þakkar fyrir góða samantekt og leggur áherslu á að hún verði hluti af handbók vinnuskólans þannig að umhirða á leiksvæðum verði unnin á skipulagðan hátt.

5.      Málefni Fuglaathugunarstöðvar Suðausturlands

Kom fram að fjárveitingar til stöðvarinnar hafa minnkað mikið með því að fjárlaganefnd ákvað á síðasta ári að styðja ekki við rekstur hennar.  Sveitarfélagið hefur veitt árlegan styrk.  Bæjarráð óskar eftir frekari upplýsingum um rekstrarreikninga áranna 2008 og 2009, áætlun um rekstur og verkefni stöðvarinnar áður en bæjarráð tekur afstöðu til erindisins.  Að öðru leiti er erindinu vísað til endurskoðunar fjárhagsáætlunarinnar.

6.      Æfingasvæði fyrir skotáhugamenn

Haukur Ingi Einarsson gerði grein fyrir málinu.  Starfsmönnum falið að boða skotáhugamenn á fund og leita leiða til að finna svæði undir starfssemi skotáhugamanna.

 7.      Ráðning yfirmanns umhverfis- og skipulagsmála

Haukur Ingi gerði grein fyrir málinu.  Sá aðili sem boðið var starfið sá sér ekki fært að taka starfinu.  Starfsmönnum var falið að fara yfir aðra umsækjendur og koma með tillögu að næstu skrefum.

 8.      Ferð í Hoffellsfjöll – gerð verndaráætlunar og fyrirhuguð vegalagning

Lögð fram samantekt dags. 12. ágúst 2010 sem Hjalti Þór Vignisson vann.  Kom fram að áframhaldandi fyrirhuguð veglagning upp úr Vesturdal og að jökli sé eitt af álitamálum sem komið hafa fram í vinnu að verndaráætlun.  Kom fram að landeigendur vilja ekki útiloka í framtíðinni að vegur verði lagður að jökli.  Bæjarráð telur mikilvægt að þegar gengið verði frá enda vegar verði það gert með því að koma upp afmörkuðum áningarstað. 

 9.      Dagatal fyrir ágúst - janúar – sent út í tölvupósti

Bæjarráð fjallaði um dagatal nefnda og ráða sveitarfélagsins.  Samþykkt að senda dagatalið á alla bæjarfulltrúa.

10.     Úttekt á kostnaði nemenda við kaup á skólavörum – tillaga bæjarstjórnar

Rædd tillaga bæjarfulltrúa Samfylkingarinnar sem samþykkt var á 157. fundi bæjarstjórnar.

Undir þessum lið var einnig rætt um hagræðingarmöguleika í innkaupum á ýmsum skólabúnaði sem nemendur þurfa að verða sér út um fyrir hvert skólaár.

Vísað til fræðslu- og félagssviðs

Árni lagði áherslu á að áfram yrði haldið með skoðun á þessu máli í skólanefnd á þessu skólaári óháð niðurstöðu bæjarráðs fyrir haustið.

 11.  Innsend erindi

·         Lex lögmannsstofa, afrit bréfs dags. 16. október 2009 til Hestamannafélagsins Hornfirðings vegna viðhalds girðingar meðfram reiðvegi í landi Fornustekka.

 Til kynningar.

·         Haust, bréf dags. 26. júní 2010, eftirlitsskýrsla v. urðunarstaðar í Lóni.

Til kynningar.

·         Samgöngu- og sveitarstjórnarráðuneytið, bréf dags. 28. júlí 2010, endurskoðun gildandi laga- og reglugerðarákvæði um Jöfnunarsjóð sveitarfélaga, gildistaka.

Til kynningar.
Árni Rúnar bendir á mikilvægi þess að sveitarfélagið komi sjónarmiðum sínum á framfæri við vinnuhóp samgöngu- og sveitarstjórnarráðherra sem falið er að útfæra upplýsingarkerfi sem byggir á mælingu helstu útgjaldaþátta sveitarfélaga.  Við þessa vinnu er mikilvægt að sjónarmið sveitarfélaga sem búa við landfræðilega sérstöðu eins og Sveitarfélagið Hornafjörður verði lögð til grundvallar.

·         Umhverfisráðuneytið, bréf 10. ágúst 2010, staðfest samþykkt um umgengni og þrifnað utanhúss á starfssvæði Heilbrigðisnefndar Austurlands.

Vísað til umhverfis- og skipulagsnefndar.

·         NKG verkefnalausnir, bréf ódagsett, ósk um styrk til nýsköpunarkeppni grunnskólanemenda.

Bæjarráð leggur áherslu á ferðakostnað keppenda frá Hornafirði, sem sveitarfélagið greiðir, vegna þátttöku í þessari keppni.  Styrkumsókn hafnað.

·         Umhverfisstofnun, tölvubréf dags. 11. ágúst 2010, drög að endurskoðaðri landsáætlun um úrgang 2010-2022.

Vísaði til umhverfis- og skipulagsnefndar.

 12.  Önnur mál
Árni Rúnar gerði grein fyrir síðasta fundi SASS þar sem rætt var um tilfærslu málefna fatlaðra og samstarfsnefnd samgöngu- og sveitarstjórnarráðuneytisins sem vinnur að tillögum um sameiningarkosti sveitarfélaga.

Fundi slitið kl. 18:30