Atvinnu- og rannsóknasjóður úthlutar í fyrsta sinn
Atvinnumálanefnd úthlutaði í fyrsta sinn úr atvinnu- og rannsóknasjóði Sveitarfélagsins Hornafjarðar. Markmið sjóðsins er að efla byggð og atvinnu í sveitarfélaginu með því að veita styrki til verkefna sem lúta að atvinnuþróun og nýsköpun í sveitarfélaginu. Þeir sem lögheimili hafa eða reka atvinnustarfsemi í sveitarfélaginu hafa alla jafnan forgang að úthlutun. Umsóknir sem bárust voru margar og fjölbreyttar og hlutu eftirtalinn verkefni náð fyrir augum atvinnumálanefndar.
| Aðili | Verkefni |
| Verkefnahópur um söguslóðaverkefnið |
Söguslóð á suðausturlandi: Undirbúning sýninga um Papa og uppsetning söguskilta frá Djúpavogi til Ingólfshöfða |
| Ríki Vatnajökuls |
Þróun á fjallaferðaþjónustu og fjallamenningu í Ríki Vatnajökuls: Gera svæðið afeitt af eftirsóknarverðustu svæðum N-Evrópu til fjalla- Og jöklaferða |
| Háskólasetrið á Hornafirði |
Þróun fuglaferðaþjónustu í Ríki Vatnajökuls: Merkja fuglaskoðunarstaði og efla fuglaferðaþjónustu á svæðinu |
| Hjalti Egilsson | Gerð viðskiptaáætlunar um framleiðslu áfengis úr úrgangskartöflum |
| Fjöruferðir | Uppbygging Fólkvangs á Melatanga |
| Ferðaþjónustan Hoffelli |
Heilsulindir í Hoffelli: Forrannsókn og þróun á heilsubætandi áhrifum jarðhitans í Hoffelli |
| Þórbergssetur | Efling starfsemi og frekari uppbygging sýninga í Þórbergssetri |
| Matthildur Ásmundardóttir |
Heilsuefling: Gera rannsókn á hvort íhlutun geti leitt til aukinnar hreyfingar og bættrar heilsu |
| Skaftafellsstofa |
Víkingar af lífi og sál: Útbúa leikgerð um víkinga sem setja má upp á ferðamannastöðum |
| Skaftafellsstofa |
Líf og störf í Öræfum á síðustu öld: Safna og skrá gamlar myndir úr Öræfum |
| Humarhöfnin | Segja sögu veiða og vinnslu á Leturhumri í Hornafirði |
| Hanna Jónsdóttir | Mypressues: Koma upp vinnuaðstöðu og starfsemi í hönnun |
| Árdís Halldórsdóttir |
Höfn - Þéttbýlið við þjóðgarðinn : Meta stöðu og ímynd Hafnar sem ferðamannastaðar |
| Handraðinn |
Hönnun á prjónamunstri: Útbúa sérstakt prjónamynstur í húfur, peysur o.fl. sem er með vísan í þetta svæði |
| Fuglaathugunarstöð Suðausturlands |
Álftarrannsóknir í Austur-Skaftafellssýslu: Gera rannsókn á fjölda og skaðsemi álfta á túnum bænda í sýslunni |
| Ferðaþjónustan í Hólmi | Húsdýragarður í Hólmi á Mýrum: Koma á fót húsdýragarði í Hólmi |
Fyrir áramót setti sveitarfélagið á stað sérstakt átaksverkefni um smáframleiðslu matvæla í samvinnu Nýsköpunarmiðstöðvar Íslands og Matís ohf. Um er að ræða stuðningsverkefni sem ætlað er einstaklingum og fyrirtækjum í Sveitarfélaginu Hornafirði sem vilja vinna að framleiðslu og þróun á matvælum í matvælasmiðju Matís á Hornafirði. Matvælasmiðjan var opnuð í byrjun nóvember 2008 og er sérstaklega sett upp til að styðja við frumkvöðla og fyrirtæki sem vilja hefja virðisaukandi smáframleiðslu matvæla úr íslensku hráefni. Atvinnumálanefnd úthlutaði nýverið styrkjum í verkefnið sem eru eftirfarandi:
| Nafn | Heiti verkefnis |
| Eyþór Sigurðsson | Nýjar afurðir úr bleikju til smásölu |
| Finndís Harðardóttir | Frostþurrkaðar kryddjurtir frá Dilknesi |
| Gísli Karl Ágústsson | Lúra |
| Eiríkur Egilsson | Nautakjötsafurðir frá Seljavöllum |
| Hornfirska álafélagið | Heitreyktur áll í neytendaumbúðum |
| Hólabrekkuafurðir | Sýrt grænmeti frá Hólabrekku |
| Humarhöfnin | Framleiðsla á humarsoði og þróun afurða í neytendapakkningar |
| Ingólfur Einarsson | Framleiðsla á rauðlaukssultu fyrir neytendamarkað |
| Ísen ehf. | Heitreyktar andabringur |
| Kokkur | Humarsoð til smásölu |
| Sæmundur Jón Jónsson | Jöklaís - þróun á staðbundnu bragðefni til notkunar í ísframleiðslu |
| Sævar Kristinn Jónsson | Fullvinnsla svínakjöts frá vistvænu búi |
| Laufey Helgadóttir | Þokulamb frá Smyrlabjörgum |
| Þrúðmar Þrúðmarsson | Náttúru sterkur (fullvinnsla folalda- og hrossakjöts) |
Stefnt er að því að lokaafrakstur hvers verkefnis sé afurð tilbúinn á markað. Styrkur veitist ekki til frumhugmynda eða gerð viðskiptaáætlana.
Atvinnu- og rannsóknasjóður mun árlega auglýsa eftir umsóknum og veita styrki til að efla byggð og atvinnulíf í héraðinu.
Skrifa athugasemd