Ketillaugarfjall séð frá Miðfellstindi

Mynd: HIE

26.02.2010 Fréttir

Unnið að ráðningu sumarskóla vinnuskólans

Nú er unnið að ráðningu í vinnuskólann fyrir árið 2010.  Alls bárust 49 umsóknir í 14 lausar stöður, en ráðnir eru 6 flokkstjórar og 6 í sláttuhóp.  Umsjónaraðilar með vinnuskóla og sláttuhóp eru Steinunn Hödd Harðardóttir og Finnur Smári Torfason.  Umsóknir í flokkstjóra voru 25 og umsóknir í sláttuhóp voru 20 ásamt því að fjórar umsóknir bárust í umsjón með Sindravöllum og umsjón með skólagörðum.  Það er gott að sjá að svona mikla aðsókn í störf vinnuskólans og að sama skapi erfitt að þurfa vísa mörgum góðum umsækjendum frá þetta árið. 

Þegar ráðið er í störf vinnuskólans er haft að leiðarljósi, menntun, fyrri störf, aldur, búseta o.fl þættir.

Haukur Ingi Einarsson

Framkvæmdastjóri tækni- og umhverfissviðs Hornafjarðar