Fundargerð bæjarstjórnar 84

84. fundur

Bæjarstjórn Hornafjarðar 84. fundur

Fundur haldinn í Ekru, fimmtudaginn 7. apríl 2005 kl. 16:00.

Mætt voru: Elín Magnúsdóttir, forseti, Björk Pálsdóttir, Einar Karlsson, Björn Emil Traustason, Reynir Arnarson, Ólafur Sigurðsson og Kristín G. Gestsdóttir. Einnig: Albert Eymundsson, Hjalti Þór Vignisson, Ásta H. Guðmundsdóttir, Stefán Ólafsson og Helgi Már Pálsson.

Forseti bæjarstjórnar setti fund og óskaði eftir að bætt verði við lið á dagskrá bókanir vegna útbús Fiskistofu á Höfn og samgönguáætlunar 2005-2008 sem lið 3.

Gengið var til dagskrár.

1. Fundargerðir

Bæjarráð Hornafjarðar 285. fundur 10. mars 2005.

· Hafnarstjórn Hornafjarðarhafnar 66. fundur 3.mars 2005.

· Heilbrigðis- og öldrunarráð Hornafjarðar 59. fundur 7. mars 2005.

· Stjórn Sambands ísl. Sveitarfélaga 722. fundur 18. febrúar 2005 til kynningar.

Reynir Arnarson spurðist fyrir um framlengingu á samstarfssamningi um Háskólasetur og um stöðu í jarðhitaleit. Hjalti Þór upplýsti að samningur hafi verið gerður til eins árs varðandi Háskólasetrið. Jarðhitaleitarmálið er í vinnslu. Fundargerð samþykkt.

Bæjarráð Hornafjarðar 286. fundur 18. mars 2005.

· Atvinnumálanefnd Hornafjarðar 17. fundur 14. mars 2005.

· Byggingar- og skipulagsnefnd Hornafjarðar 57. fundur 10. mars 2005.

· Félagsmálaráð Hornafjarðar 123. fundur 8. mars 2005.

· Menningarmálanefnd Hornafjarðar 66. fundur 9. mars 2005.

· Umhverfisnefnd Hornafjarðar 50. fundur 14. mars 2005.

Kristín G. Gestsdóttir ræddi um fundargerð atvinnumálanefndar þar sem rætt er um á hugmundum um betrunarheimili í sveitarfélaginu og annað sem skapar ný atvinnutækifæri í sveitarfélaginu hún tekur undir bókun atvinnumálanefndar varðandi atvinnumál. Hjalti tók undir orð Kristínar. Reynir upplýsti að á fundi með forsætisráðherra að gerður verði vaxtasamningur milli sveitarfélagsins og ríkisins. Björn Traustason spurðist fyrir um vindbrjót við Almannaskarð. Hjalti upplýsti að samband var haft við Vegagerðina . Fundargerð samþykkt.

Bæjarráð Hornafjarðar 287. fundur 31. mars 2005.

· Félagsmálaráð Hornafjarðar 124. fundur 22. mars 2005.

· Skólanefnd Hornafjarðar 69. fundur 16. mars 2005.

· Heilbrigðisnefnd Austurlands 53. fundur 16. mars 2005 til kynningar.

Kristín G. Gestsdóttir ræddi um fundargerð skólanefnd m.a. þar sem samþykkt var að hefja kennslu í 8 bekk í Grunnskólanum í Hofgarði. Einnig undi 5 lið varðandi leikskólamál og skólastefnu. Einnig ræddi hún um breytingu á námsskipan til stúdentsprófs og um þá kostnaðaraukningu sveitarfélagsins sem hún telur að verði samfara því. Hún ræddi einnig um vinnu við aðalskipulags og spurði formann byggingarnefndar um þá vinnu sem er í gangi. Björn Emil Traustason taldi að vel þyrfti að fara yfir leikólamálin áður en farið verði í stórtækar breytingar. Ólafur Sigurðsson upplýsti varðandi vinnu við aðalskipulag. Hjalti Þ. Vignisson ræddi um breytingu í skólamálum í Öræfum og telur að málið hafi verið vel unnið, hann upplýsti einnig að gagnaöflun er farin af stað varðandi skólastefnu. Leikskólamálin eru í ákveðnum farvegi.

Fundargerð samþykkt.

 Bæjarstjórn Hornafjarðar 83. fundur 10. mars 2005 fundargerð áður samþykkt.

2. Breytingar á aðalskipulagi við Fagurhólmsmýri í Öræfum

·         Lagðir voru fram uppdrættir á fundinum.

Hjalti fylgdi málinu úr hlaði. Fyrir lá uppdráttur af breytingu á aðalskipulagi vegna stækkunar á verslunar- og þjónustureit við Fagurhólsmýri í Öræfum.

Sveitarstjórn samþykkir samhljóða að um óverulega breytingu er að ræða og vísar henni áfram til Skipulagsstofnun til afgreiðslu og auglýsingar. 

Einnig liggur fyrir uppdráttur af tillögu að deiliskipulagi vegna hótelbyggingar á Fagurhólsmýri, en skipulagsnefnd hefur áður samþykkt tillöguna fyrir sitt leiti.

Sveitarstjórn samþykkir deiliskipulagstillöguna samhljóða og vísar henni áfram til Skipulagsstofnunar til afgreiðslu og auglýsingar í framhaldi af því, samhliða breytingu á aðalskipulagi

Kristín G. Gestsdóttir minnti enn á endurskoðun á aðalskipulagi sveitarfélagsins.  Reynir Arnarson taldi að svona mál ættu ekki að bíða eftir endurskoðun á aðalskipulagi og ekki rétt að tefja framkvæmdir vegna þessa.  Björn Emil Traustason tekur undir orð Reynis.  Hjalti Þór Vignisson tekur undir orð Reynis og Björns.

3. Bókanir bæjarstjórnar

Bókun vegna Fiskistofu Bæjarstjórn Hornafjarðar lýsir yfir ánægju með ákvörðun sjávarútvegsráðherra um að færa hluta af starfsemi Fiskistofu út á land og setja m.a. á stofn starfsstöð á Hornafirði. Margvísleg opinber starfsemi á höfuðborgarsvæðinu á frekar heima vítt og breytt um landið þar sem þjónustan fer fram. Bæjarstjórn bendir á að ákvörðun sjávarútvegsráðherra sé til eftirbreytni og skorar á önnur ráðuneyti að fylgja fordæmi hans.

Bæjarstjórn samþykkir samhljóða.

Bókun vegna Hornafjarðarfljót Bæjarstjórn lýsir yfir vonbrigðum sínum með að í tillögu til þingsályktunar um fjögurra ára samgönguáætlun fyrir árin 2005-2008 sem lögð er fyrir Alþingi skuli framkvæmdum við Hornafjarðarfljót vera frestað um tvö ár. Eins og kunnugt er var upphaflega áætlað að til þeirra framkvæmdar kæmi 200 m.kr. fjárveiting árið 2006. Bæjarstjórn hefur á undanförnum árum margítrekað nauðsyn þess að ljúka rannsóknum og umhverfismati vegna fyrirhugaðs vegar- og brúarstæðis og hér með er það undirstrikað einu sinni enn. Bæjarstjórn treystir því að við endanlega ákvörðun um fjárveitingar í verkið verði framkvæmdatíminn sem stystur til að vega upp á móti frestun. Því er gerð sú krafa að umhverfismati verði lokið og að ákvörðun um brúarstæði og legu vegarins liggi fyrir eigi síðar en sem fyrst.

Bæjarstjórn samþykkir samhljóða.

4. Fyrirspurnir

Engar.

Fundi slitið kl. 17.20