Gjaldskrá fyrir félagslega heimaþjónustu í Sveitarfélaginu Hornafirði

Greiðslur fyrir almenna heimaþjónustu á vegum HSSA skal vera fyrir hverja unna vinnustund sem nemur tímakaupi launaflokks 123, 5 þrepi í kjarasamningi HSSA og Vökuls stéttarfélags, að viðbættu orlofi og launatengdum gjöldum og nemur kr. 1.653.- frá 1. janúar 2008.

1. grein

Þeir ellilífeyrisþegar og öryrkjar sem ekki hafa aðrar tekjur en lífeyri almanna-trygginga og óskerta tekjutryggingu eða hafa tekjur innan viðmiðunarmarka kr. 130.700, - skulu vera undanþegnir greiðslu fyrir heimilishjálp. Samsvarandi viðmiðunartekjur fyrir hjón eða sambýlisfólk með sameiginlegan fjárhag er framangreind fjárhæð margfölduð með 1,5 eða kr. 196.050, skulu þau einnig vera undanþegin greiðslu fyrir heimilishjálp.
Tekið skal tillit til barna til 18 ára aldurs, sjá fjórðu grein.

2. grein

Þjónustuþegar með tekjur sem eru allt að 50% hærri en viðmiðunartekjur skulu greiða gjald sem nemur einum þriðja af viðmiðunartímakaupi starfsmanns.
Þjónustuþegar með tekjur sem eru yfir 50% hærri en viðmiðunartekjur skulu greiða gjald sem nemur hálfu tímakaupi starfsmanns.
Þjónustuþegar með tekjur yfir 75% hærri en viðmiðunartekjur, skulu greiða fullt tímakaup starfsmanns. Fullt gjald greiða einnig aðrir sem fá heimilisþjónustu í sérstökum tilvikum, s.s. vegna veikinda eða annarra orsaka þar sem þeir ekki geta sinnt þessum verkum sjálfir.
Lífeyrisþegar greiða aldrei hærra gjald fyrir félagslega heimaþjónustu en sem nemur 75% af tekjum umfram það sem þeir fá frá Tryggingastofnun ríkisins. Viðmiðunartekjur sem nefndar eru í þessari gjaldskrá hækka til jafns við hækkun bóta Tryggingastofnunar ríkisins. Ekki skal telja sérstaka uppbót lífeyristrygginga vegna læknis- eða lyfjakostnaðar, né umönnunar- eða bensínstyrk almannatrygginga til tekna.

3. grein

Heilbrigðis- og öldrunarráð getur veitt afslátt af greiðslum eða undanþágur frá greiðsluskyldu ef sérstakar ástæður gefa tilefni til.

4. grein

Tekið er tillit til fjölda barna á heimili þjónustuþega, 18 ára og yngri og skal draga meðlagsupphæð frá Tryggingastofnun ríkisins kr. 19.000.- frá heildartekjum þjónustuþega fyrir hvert barn, áður en reiknað er út í hvaða gjaldflokki heimilið lendir.

Tekjumörk þjónustuþega sem búa einir:                                          Gjaldflokkur:
Tekjur allt að 130.700 kr. pr. mán                                                           0 kr. pr. klst.
Tekjur á bilinu 130.700 kr – 196.050 kr. pr.mán                                   551 kr. pr. klst.
Tekjur á bilinu 196.050 kr – 228.725 kr. pr. mán                                  826 kr. pr. klst.
Tekjur yfir 228.725 kr. pr. mán                                                          1.653 kr. pr. klst.

Tekjumörk hjóna eða sambýlinga                                                     Gjaldflokkur:
Tekjur allt að 196.050 kr. pr. mán.                                                           0 kr. pr. klst.
Tekjur á bilinu 196.050 -  294.075 kr. pr. mán                                     551 kr. pr. klst.
Tekjur á bilinu 294.075 -  343.087 kr. pr. mán                                     826 kr. pr. klst.
Tekjur yfir 343.087 kr. pr. mán                                                          1.653 kr. pr. klst.

Ofangreint gjald gildir frá 1. janúar 2008 og endurskoðast í janúar ár hvert miðað við breytingar á vísitölu neysluverðs.

Samþykkt í bæjarráði Hornafjarðar 31. mars 2008.